ਮੋਗਾ: ਨਗਰ ਨਿਗਮ ਦੇ ਡਿਪਟੀ ਮੇਅਰ ਅਸ਼ੋਕ ਧਮੀਜਾ ਦੇ ਭਰਾ ਅਤੇ ਭਤੀਜੇ ਦਾ ਕਤਲ ਕਰਨ ਦੀ ਕੋਸ਼ਿਸ਼ ਕਰਨ ਵਾਲਾ ਸ਼ਾਰਪਸ਼ੂਟਰ ਮੋਨੂੰ ਡਾਗਰ (Sharpshooter Monu Dagar) ਹਰਿਆਣਾ ਦਾ ਇਨਾਮੀ ਬਦਮਾਸ਼ ਹੈ। ਉਸ ਨੂੰ ਕੈਨੇਡਾ ਵਿਚ ਬੈਠੇ ਯੂਥ ਕਾਂਗਰਸੀ ਆਗੂ ਗੁਰਲਾਲ ਪਹਿਲਵਾਨ ਦੇ ਕਤਲ ਕੇਸ ਵਿਚ ਨਾਮਜ਼ਦ ਕੀਤੇ ਗਏ ਗੋਲਡੀ ਬਰਾੜ ਨੇ ਡਿਪਟੀ ਮੇਅਰ ਦੇ ਭਰਾ ਜਤਿੰਦਰ ਨੀਲਾ ਦੇ ਕਤਲ ਲਈ ਰੱਖਿਆ ਸੀ। ਨੀਲਾ ਦਾ ਚਿਹਰਾ ਉਸ ਦੇ ਭਰਾ ਸੁਨੀਲ ਕੁਮਾਰ ਉਰਫ ਸੋਨੂੰ ਨਾਲ ਕਾਫੀ ਮਿਲਦਾ-ਜੁਲਦਾ ਹੈ, ਇਸੇ ਗਲਤਫਹਿਮੀ 'ਚ ਬਦਮਾਸ਼ਾਂ ਨੇ ਨੀਲਾ ਦੀ ਬਜਾਏ ਸੋਨੂੰ ਅਤੇ ਉਸ ਦੇ ਬੇਟੇ ਪ੍ਰਵੇਸ਼ 'ਤੇ ਗੋਲੀਆਂ ਚਲਾ ਦਿੱਤੀਆਂ। ਸ਼ਾਰਪ ਸ਼ੂਟਰ ਬਹੁਤ ਹੀ ਖਤਰਨਾਕ ਇਰਾਦੇ ਨਾਲ ਆਏ ਸਨ, ਗ੍ਰਿਫਤਾਰ ਮੋਨੂੰ ਡਾਗਰ ਕੋਲੋਂ 18 ਜਿੰਦਾ ਕਾਰਤੂਸ, ਦੋ ਮੈਗਜ਼ੀਨ ਬਰਾਮਦ ਕੀਤੇ ਗਏ ਹਨ। ਫਿਲਹਾਲ ਪੁਲਿਸ ਦੇ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਗਈ ਹੈ।
ਸ਼ਾਰਪਸ਼ੂਟਰ ਦੇ ਲਾਰੈਂਸ ਗੈਂਗਸਟਰ ਬਿਸ਼ਨੋਈ ਨਾਲ ਜੁੜੇ ਤਾਰ
ਸੁਪਾਰੀ ਦੇ ਪਿੱਛੇ ਦਾ ਸੱਚ ਸਾਹਮਣੇ ਨਹੀਂ ਆਇਆ