ਨਵੀਂ ਦਿੱਲੀ :ਆਈਪੀਐਲ 2023 ਦੇ 25ਵੇਂ ਮੈਚ ਵਿੱਚ ਮੁੰਬਈ ਇੰਡੀਅਨਜ਼ ਦੇ ਯੁਵਾ ਖਿਡਾਰੀ ਅਰਜੁਨ ਤੇਂਦੁਲਕਰ ਦੇ ਕਪਤਾਨ ਰੋਹਿਤ ਸ਼ਰਮਾ ਦੀ ਚਾਰੇ ਪਾਸੇ ਜ਼ੋਰਦਾਰ ਚਰਚਾ ਹੋ ਰਹੀ ਹੈ। ਅਰਜੁਨ ਤੇਂਦੁਲਕਰ ਨੇ ਸਨਰਾਈਜ਼ਰਸ ਹੈਦਰਾਬਾਦ ਖਿਲਾਫ ਗੇਂਦਬਾਜ਼ੀ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਇਸ ਕਾਰਨ ਕ੍ਰਿਕਟ ਦੇ ਸਾਰੇ ਦਿੱਗਜਾਂ ਅਤੇ ਖਿਡਾਰੀਆਂ ਵੱਲੋਂ ਅਰਜੁਨ ਦੀ ਤਾਰੀਫ ਕੀਤੀ ਜਾ ਰਹੀ ਹੈ। ਇਸ ਮੈਚ 'ਚ ਅਰਜੁਨ ਨੇ ਆਪਣੇ ਪਿਤਾ ਸਚਿਨ ਤੇਂਦੁਲਕਰ ਦਾ ਬਦਲਾ ਲੈ ਲਿਆ ਹੈ। 14 ਸਾਲ ਬਾਅਦ ਅਰਜੁਨ ਨੇ ਉਸੇ ਮੈਦਾਨ 'ਤੇ ਆਪਣਾ ਬਦਲਾ ਪੂਰਾ ਕਰ ਲਿਆ ਹੈ। ਜਿੱਥੇ ਇਹ ਪਹਿਲੀ ਵਾਰ ਕੀਤਾ ਗਿਆ ਸੀ। ਇਹ ਮੈਚ ਹੈਦਰਾਬਾਦ ਦੇ ਰਾਜੀਵ ਗਾਂਧੀ ਇੰਟਰਨੈਸ਼ਨਲ ਸਟੇਡੀਅਮ 'ਚ ਖੇਡਿਆ ਗਿਆ।
ਇਸ ਮੈਚ ਵਿੱਚ ਮੁੰਬਈ ਇੰਡੀਅਨਜ਼ ਨੇ ਸਨਰਾਈਜ਼ਰਸ ਹੈਦਰਾਬਾਦ ਨੂੰ 14 ਦੌੜਾਂ ਨਾਲ ਹਰਾਇਆ। ਪਰ ਇਸ ਮੈਚ ਦੀ ਜਿੱਤ 'ਚ ਸਭ ਤੋਂ ਜ਼ਿਆਦਾ ਤਾਰੀਫ ਮੁੰਬਈ ਦੇ ਨੌਜਵਾਨ ਖਿਡਾਰੀ ਅਰਜੁਨ ਤੇਂਦੁਲਕਰ ਲੁੱਟ ਰਹੇ ਹਨ। ਉਸ ਨੇ ਇਸ ਮੈਚ 'ਚ 2.5 ਓਵਰਾਂ 'ਚ ਗੇਂਦਬਾਜ਼ੀ ਕੀਤੀ, ਜਿਸ 'ਚ ਉਸ ਨੇ 18 ਦੌੜਾਂ ਦੇ ਕੇ ਆਪਣੇ ਆਈਪੀਐੱਲ ਕਰੀਅਰ ਦੀ ਪਹਿਲੀ ਵਿਕਟ ਲਈ। ਅਰਜੁਨ ਨੇ ਭੁਵਨੇਸ਼ਵਰ ਕੁਮਾਰ ਦਾ ਵਿਕਟ ਲਿਆ।
ਬਦਲੇ ਦੀ ਕਹਾਣੀ 12 ਜਨਵਰੀ 2009 ਤੋਂ ਸ਼ੁਰੂ ਹੁੰਦੀ ਹੈ। ਉਸ ਦੌਰਾਨ ਰਣਜੀ ਟਰਾਫੀ ਦਾ ਫਾਈਨਲ ਮੈਚ ਰਾਜੀਵ ਗਾਂਧੀ ਸਟੇਡੀਅਮ ਵਿੱਚ ਖੇਡਿਆ ਗਿਆ। ਉਸ ਸਮੇਂ ਮੁੰਬਈ ਅਤੇ ਉੱਤਰ ਪ੍ਰਦੇਸ਼ ਵਿਚਾਲੇ ਸਖ਼ਤ ਟੱਕਰ ਸੀ। ਇਸ 'ਚ ਸਚਿਨ ਤੇਂਦੁਲਕਰ ਮੁੰਬਈ ਲਈ ਚੌਥੇ ਨੰਬਰ 'ਤੇ ਬੱਲੇਬਾਜ਼ੀ ਕਰ ਰਹੇ ਸਨ। 19 ਸਾਲਾ ਭੁਵਨੇਸ਼ਵਰ ਕੁਮਾਰ ਨੇ ਉਸ ਨੂੰ ਬਿਨਾਂ ਖਾਤਾ ਖੋਲ੍ਹੇ ਜ਼ੀਰੋ 'ਤੇ ਆਊਟ ਕਰ ਦਿੱਤਾ। ਇਹ ਪਹਿਲਾ ਮੌਕਾ ਸੀ ਜਦੋਂ ਰਣਜੀ ਟਰਾਫੀ ਟੂਰਨਾਮੈਂਟ 'ਚ ਕਿਸੇ ਗੇਂਦਬਾਜ਼ ਨੇ ਸਚਿਨ ਨੂੰ ਜ਼ੀਰੋ 'ਤੇ ਪਵੇਲੀਅਨ ਭੇਜਿਆ ਸੀ। ਪਰ ਮਹਾਨ ਕ੍ਰਿਕਟਰ ਸਚਿਨ ਤੇਂਦੁਲਕਰ ਦੇ ਬੇਟੇ ਅਰਜੁਨ ਤੇਂਦੁਲਕਰ ਨੇ ਉਸੇ ਮੈਦਾਨ 'ਤੇ ਭੁਵਨੇਸ਼ਵਰ ਕੁਮਾਰ ਨੂੰ ਆਪਣੇ ਆਈਪੀਐਲ ਕਰੀਅਰ ਦਾ ਪਹਿਲਾ ਸ਼ਿਕਾਰ ਬਣਾ ਕੇ ਬਦਲਾ ਪੂਰਾ ਕਰ ਲਿਆ ਹੈ।
ਦਿੱਗਜ ਸਲਾਮੀ ਬੱਲੇਬਾਜ਼ ਸੁਨੀਲ ਗਾਵਸਕਰ ਨੇ ਅਰਜੁਨ ਨੂੰ ਕਿਹਾ ਕਿ 'ਜੂਨੀਅਰ ਤੇਂਦੁਲਕਰ ਨੂੰ ਆਪਣੇ ਪਿਤਾ ਮਹਾਨ ਸਚਿਨ ਤੇਂਦੁਲਕਰ ਦਾ ਸੁਭਾਅ ਮਿਲਿਆ ਹੈ। ਅਰਜੁਨ ਨੇ ਸਨਰਾਈਜ਼ਰਸ ਹੈਦਰਾਬਾਦ ਦੇ ਖਿਲਾਫ ਮੁੰਬਈ ਇੰਡੀਅਨਜ਼ ਲਈ ਆਖਰੀ ਓਵਰ ਸੁੱਟਿਆ ਅਤੇ ਆਪਣਾ ਪਹਿਲਾ ਆਈਪੀਐਲ ਵਿਕਟ ਲੈ ਕੇ ਮੁੰਬਈ ਨੂੰ 14 ਦੌੜਾਂ ਨਾਲ ਜਿੱਤਣ ਵਿੱਚ ਮਦਦ ਕੀਤੀ। ਸਚਿਨ ਤੇਂਦੁਲਕਰ ਵਿੱਚ ਆਪਣੇ ਕਰੀਅਰ ਦੀ ਸ਼ੁਰੂਆਤ ਵਿੱਚ ਕਿੰਨੀ ਅਦਭੁਤ ਪ੍ਰਤਿਭਾ ਸੀ, ਪਰ ਇਹ ਉਨ੍ਹਾਂ ਦਾ ਸੁਭਾਅ ਸੀ ਜੋ ਹੈਰਾਨੀਜਨਕ ਸੀ ਅਤੇ ਅਰਜੁਨ ਵਿੱਚ ਵੀ ਉਹੀ ਸੁਭਾਅ ਹੈ। ਇੱਕ ਨੌਜਵਾਨ ਨੂੰ ਆਖਰੀ ਓਵਰ ਕਰਨਾ ਪੈਂਦਾ ਹੈ ਅਤੇ ਉਹ ਟੀਮ ਨੂੰ ਜਿੱਤ ਦਿਵਾਉਂਦਾ ਹੈ। (ਆਈਏਐਨਐਸ)
ਇਹ ਵੀ ਪੜੋ:-WTC 2023 Final: ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਫਾਈਨਲ ਲਈ ਆਸਟ੍ਰੇਲੀਆ ਨੇ ਟੀਮ ਕੀਤਾ ਐਲਾਨ, ਮਿਸ਼ੇਲ ਮਾਰਸ਼ ਨੂੰ ਪਹਿਲੀ ਵਾਰ ਟੀਮ 'ਚ ਮਿਲੀ ਥਾਂ
