ਮੁੰਬਈ:ਬਾਰਡਰ ਗਾਵਸਕਰ ਟਰਾਫੀ 2-1 ਨਾਲ ਜਿੱਤਣ ਤੋਂ ਬਾਅਦ ਭਾਰਤ ਆਸਟ੍ਰੇਲੀਆ ਖਿਲਾਫ ਵਨਡੇ ਸੀਰੀਜ਼ ਵੀ ਜਿੱਤਣਾ ਚਾਹੇਗਾ। ਇਸ ਵਨਡੇ ਸੀਰੀਜ਼ 'ਚ ਭਾਰਤ ਅਤੇ ਆਸਟ੍ਰੇਲੀਆ ਦੋਵੇਂ ਹੀ ਵਿਸ਼ਵ ਕੱਪ ਲਈ ਆਪਣੇ ਖਿਡਾਰੀਆਂ ਦੀ ਪਰਖ ਕਰਨਗੇ। ਆਸਟਰੇਲਿਆਈ ਟੀਮ ਪੈਟ ਕਮਿੰਸ ਅਤੇ ਜੋਸ਼ ਹੇਜ਼ਲਵੁੱਡ ਦੀ ਗੈਰ-ਮੌਜੂਦਗੀ ਵਿੱਚ ਇਹ ਮੈਚ ਖੇਡੇਗੀ। ਤੇਜ਼ ਗੇਂਦਬਾਜ਼ ਝਾਈ ਰਿਚਰਡਸਨ ਵੀ ਟੀਮ 'ਚ ਨਹੀਂ ਹੈ।
ਇਹ ਖਿਡਾਰੀ ਇਸ ਸੀਰੀਜ਼ ਲਈ ਉਪਲਬਧ:ਭਾਰਤੀ ਟੀਮ ਰੋਹਿਤ ਸ਼ਰਮਾ ਅਤੇ ਸ਼੍ਰੇਅਸ ਅਈਅਰ ਤੋਂ ਬਿਨਾਂ ਮੈਦਾਨ ਵਿੱਚ ਉਤਰੇਗੀ। ਜਸਪ੍ਰੀਤ ਬੁਮਰਾਹ ਵੀ ਬਾਹਰ ਹਨ। ਇਸ ਸਾਲ ਦੀ ਸ਼ੁਰੂਆਤ 'ਚ ਨਿਊਜ਼ੀਲੈਂਡ ਖਿਲਾਫ ਵਨਡੇ ਸੀਰੀਜ਼ ਦੌਰਾਨ ਸਫਲ ਵਾਪਸੀ ਕਰਨ ਵਾਲੇ ਸ਼ਾਰਦੁਲ ਠਾਕੁਰ ਪਹਿਲੇ ਮੈਚ 'ਚ ਖੇਡ ਸਕਦੇ ਹਨ। ਰਵਿੰਦਰ ਜਡੇਜਾ, ਅਕਸ਼ਰ ਪਟੇਲ, ਵਾਸ਼ਿੰਗਟਨ ਸੁੰਦਰ, ਕੁਲਦੀਪ ਯਾਦਵ ਅਤੇ ਯੁਜਵੇਂਦਰ ਚਾਹਲ ਵਰਗੇ ਸਾਰੇ ਖਿਡਾਰੀ ਇਸ ਸੀਰੀਜ਼ ਲਈ ਉਪਲਬਧ ਹਨ।
ਈਸ਼ਾਨ ਕਿਸ਼ਨ-ਸ਼ੁਭਮਨ ਗਿੱਲ ਓਪਨਰ ਹੋਣਗੇ:ਇਸ਼ਾਨ ਕਿਸ਼ਨ ਸ਼ਾਨਦਾਰ ਫਾਰਮ 'ਚ ਹਨ। ਉਸ ਨੇ ਪਿਛਲੇ ਸਾਲ ਦਸੰਬਰ 'ਚ ਚਟੋਗਰਾਮ 'ਚ ਬੰਗਲਾਦੇਸ਼ ਖਿਲਾਫ 210 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ ਸੀ। ਹਾਰਦਿਕ ਪੰਡਯਾ ਨੇ ਸਪੱਸ਼ਟ ਕੀਤਾ ਹੈ ਕਿ ਈਸ਼ਾਨ ਅਤੇ ਸ਼ੁਭਮਨ ਪਹਿਲੇ ਮੈਚ 'ਚ ਪਾਰੀ ਦੀ ਸ਼ੁਰੂਆਤ ਕਰਨਗੇ। ਸੂਰਿਆਕੁਮਾਰ ਯਾਦਵ ਅਤੇ ਅਨਕੈਪਡ ਰਜਤ ਪਾਟੀਦਾਰ ਨੂੰ ਮੱਧਕ੍ਰਮ ਵਿੱਚ ਜ਼ਖ਼ਮੀ ਅਈਅਰ ਦੀ ਥਾਂ ਲੈਣ ਦੀ ਸੰਭਾਵਨਾ ਹੈ।
ਆਸਟ੍ਰੇਲੀਆ ਟੀਮ 'ਚ ਮੌਕਾ ਮਿਲ ਸਕਦਾ:ਗਲੇਨ ਮੈਕਸਵੈੱਲ ਅਤੇ ਐਡਮ ਜ਼ੈਂਪਾ ਨੂੰ ਆਸਟ੍ਰੇਲੀਆ ਟੀਮ 'ਚ ਮੌਕਾ ਮਿਲ ਸਕਦਾ ਹੈ। ਇਸ ਦੇ ਨਾਲ ਹੀ ਟੈਸਟ 'ਚ ਸ਼ਾਨਦਾਰ ਗੇਂਦਬਾਜ਼ੀ ਕਰਨ ਵਾਲੇ ਸਪਿਨ ਗੇਂਦਬਾਜ਼ ਨਾਥਨ ਲਿਓਨ, ਟੌਡ ਮਰਫੀ ਅਤੇ ਮੈਥਿਊ ਕੁਹਨਮੈਨ ਦੀ ਤਿਕੜੀ ਨੂੰ ਆਰਾਮ ਦਿੱਤਾ ਜਾ ਸਕਦਾ ਹੈ। ਪਿਛਲੇ ਟੈਸਟ 'ਚ 180 ਦੌੜਾਂ ਬਣਾਉਣ ਵਾਲੇ ਉਸਮਾਨ ਖਵਾਜਾ ਨੂੰ ਪਹਿਲੇ ਮੈਚ 'ਚ ਜਗ੍ਹਾ ਨਹੀਂ ਮਿਲੇਗੀ। ਉਸ ਦੀ ਜਗ੍ਹਾ ਟ੍ਰੈਵਿਸ ਹੈੱਡ ਡੇਵਿਡ ਵਾਰਨਰ ਨਾਲ ਓਪਨ ਕਰ ਸਕਦੇ ਹਨ।
ਹਾਰਦਿਕ ਪੰਡਯਾ ਨੇ ਦਿੱਤਾ ਵੱਡਾ ਬਿਆਨ:ਤੁਹਾਨੂੰ ਦੱਸ ਦੇਈਏ ਕਿ ਹਾਰਦਿਕ ਪੰਡਯਾ ਨੇ ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਪਹਿਲੇ ਵਨਡੇ ਤੋਂ ਪਹਿਲਾਂ ਆਯੋਜਿਤ ਪ੍ਰੈੱਸ ਕਾਨਫਰੰਸ 'ਚ ਵੱਡਾ ਬਿਆਨ ਦਿੱਤਾ ਹੈ। ਪੰਡਯਾ ਨੇ ਕਿਹਾ ਕਿ ਸ਼ੁਭਮਨ ਗਿੱਲ ਅਤੇ ਈਸ਼ਾਨ ਕਿਸ਼ਨ ਆਸਟ੍ਰੇਲੀਆ ਖਿਲਾਫ ਪਹਿਲੇ ਵਨਡੇ 'ਚ ਭਾਰਤ ਲਈ ਓਪਨਿੰਗ ਕਰਦੇ ਨਜ਼ਰ ਆਉਣਗੇ।
ਭਾਰਤ ਦੀ ਸੰਭਾਵਿਤ ਟੀਮ:ਸ਼ੁਭਮਨ ਗਿੱਲ, ਈਸ਼ਾਨ ਕਿਸ਼ਨ, ਵਿਰਾਟ ਕੋਹਲੀ, ਸੂਰਿਆਕੁਮਾਰ ਯਾਦਵ/ਰਜਤ ਪਾਟੀਦਾਰ, ਕੇਐੱਲ ਰਾਹੁਲ (ਵਿਕਟਕੀਪਰ), ਹਾਰਦਿਕ ਪੰਡਯਾ (ਕਪਤਾਨ), ਰਵਿੰਦਰ ਜਡੇਜਾ, ਅਕਸ਼ਰ ਪਟੇਲ/ਵਾਸ਼ਿੰਗਟਨ ਸੁੰਦਰ, ਸ਼ਾਰਦੁਲਦੀਪ ਯਾਦਵ, ਮੁਹੰਮਦ ਸਿਰਾਜ ਅਤੇ ਮੁਹੰਮਦ ਸ਼ਮੀ / ਉਮਰਾਨ ਮਲਿਕ।
ਆਸਟ੍ਰੇਲੀਆ ਦੀ ਸੰਭਾਵਿਤ ਟੀਮ:ਡੇਵਿਡ ਵਾਰਨਰ, ਟ੍ਰੈਵਿਸ ਹੈੱਡ, ਸਟੀਵਨ ਸਮਿਥ (ਕਪਤਾਨ), ਮਾਰਨਸ ਲੈਬੂਸ਼ੇਨ, ਮਿਸ਼ੇਲ ਮਾਰਸ਼/ਮਾਰਕਸ ਸਟੋਇਨਿਸ, ਗਲੇਨ ਮੈਕਸਵੈੱਲ, ਅਲੈਕਸ ਕੈਰੀ (ਵਿਕਟਕੀਪਰ), ਕੈਮਰੂਨ ਗ੍ਰੀਨ, ਮਿਸ਼ੇਲ ਸਟਾਰਕ, ਐਡਮ ਜ਼ੈਂਪਾ ਅਤੇ ਨਾਥਨ ਐਲਿਸ।
ਇਹ ਵੀ ਪੜ੍ਹੋ:-WPL 2023 : ਆਰਸੀਬੀ ਦੇ ਇਸ ਸ਼ਾਨਦਾਰ ਆਲਰਾਊਂਡਰ ਨੇ ਲਿਆ ਸੰਨਿਆਸ, ਵਨਡੇ 'ਚ ਅੰਤਰਰਾਸ਼ਟਰੀ ਹੈਟ੍ਰਿਕ ਅਤੇ ਪਹਿਲੀਆਂ 100 ਵਿਕਟਾਂ ਲੈਣ ਦਾ ਹੈ ਰਿਕਾਰਡ
