ਸਿੰਗਾਪੁਰ: ਭਾਰਤ ਅਤੇ ਸਿੰਗਾਪੁਰ ਦੀਆਂ ਜਲ ਸੈਨਾਵਾਂ ਨੇ ਦੱਖਣੀ ਚੀਨ ਸਾਗਰ ਦੇ ਦੱਖਣੀ ਹਿੱਸਿਆਂ 'ਚ 'ਸਿਮਬੈਕਸ' ਨਾਂ ਦਾ ਇਕ ਹਫਤਾ ਚੱਲਣ ਵਾਲਾ ਦੁਵੱਲਾ ਸਮੁੰਦਰੀ ਅਭਿਆਸ ਸ਼ੁਰੂ ਕੀਤਾ ਹੈ, ਜਿਸ ਲਈ ਦੋਵਾਂ ਦੇਸ਼ਾਂ ਨੇ ਇਕ-ਇਕ ਪਣਡੁੱਬੀ ਤਾਇਨਾਤ ਕੀਤੀ ਹੈ। ਵੀਰਵਾਰ ਨੂੰ ਸ਼ੁਰੂ ਹੋਏ ਸਾਲਾਨਾ ਅਭਿਆਸ ਵਿੱਚ ਭਾਰਤੀ ਜਲ ਸੈਨਾ ਦੇ ਰਾਜਪੂਤ-ਸ਼੍ਰੇਣੀ ਦੇ ਵਿਨਾਸ਼ਕਾਰੀ INS ਰਣਵਿਜੇ, ਕਾਮੋਰਤਾ-ਸ਼੍ਰੇਣੀ ਦੇ ਫ੍ਰੀਗੇਟ INS ਕਵਾਰੱਤੀ ਅਤੇ ਇੱਕ P-8I ਸਮੁੰਦਰੀ ਗਸ਼ਤੀ ਜਹਾਜ਼ ਹਿੱਸਾ ਲੈ ਰਹੇ ਹਨ। ਦੋਵੇਂ ਦੇਸ਼ ਤਿੰਨ ਦਹਾਕਿਆਂ ਤੋਂ ਇਹ ਸਾਲਾਨਾ ਅਭਿਆਸ ਕਰ ਰਹੇ ਹਨ। ਇਸ ਅਭਿਆਸ ਵਿੱਚ ਹਿੱਸਾ ਲੈਣ ਵਾਲੇ ‘ਰਿਪਬਲਿਕ ਆਫ ਸਿੰਗਾਪੁਰ ਨੇਵੀ’ (ਆਰਐਸਐਨ) ਦੇ ਜੰਗੀ ਬੇੜਿਆਂ ਵਿੱਚ ਦੋ ‘ਫਾਰਮਿਡੇਬਲ’ ਸ਼੍ਰੇਣੀ ਦੇ ਜੰਗੀ ਬੇੜੇ ‘ਆਰਐਸਐਸ ਸਟੋਲਵਰਟ’ ਅਤੇ ‘ਆਰਐਸਐਸ ਟੋਨਸ’ ਸ਼ਾਮਲ ਹਨ।
30ਵੇਂ ਸੰਸਕਰਨ ਦਾ 'ਲੋਗੋ' ਜਾਰੀ: ਆਰਐਸਐਨ (RSN) ਦੇ ਫਲੀਟ ਕਮਾਂਡਰ ਕਰਨਲ (COL) ਕਵਾਨ ਹੋਨ ਚੁਓਂਗ ਅਤੇ ਭਾਰਤ ਦੀ ਪੂਰਬੀ ਜਲ ਸੈਨਾ ਕਮਾਂਡ ਦੇ ਫਲੈਗ ਅਫਸਰ ਕਮਾਂਡਿੰਗ-ਇਨ-ਚੀਫ ਵਾਈਸ ਐਡਮਿਰਲ ਰਾਜੇਸ਼ ਪੇਂਧਰਕਰ ਨੇ ਇਸ ਦੁਵੱਲੇ ਅਭਿਆਸ ਦੇ ਉਦਘਾਟਨੀ ਸਮਾਰੋਹ ਵਿੱਚ ਇਸ ਦੇ 30ਵੇਂ ਸੰਸਕਰਨ ਦਾ 'ਲੋਗੋ' ਜਾਰੀ ਕੀਤਾ। ਕਰਨਲ ਕੁਆਨ ਨੇ ਦੋਵਾਂ ਦੇਸ਼ਾਂ ਦੀਆਂ ਜਲ ਸੈਨਾਵਾਂ ਦਰਮਿਆਨ ਪੇਸ਼ੇਵਰ ਮੁਹਾਰਤ ਨੂੰ ਵਧਾਉਣ ਲਈ ਇਸ ਅਭਿਆਸ ਦੀ ਮਹੱਤਤਾ ਨੂੰ ਉਜਾਗਰ ਕੀਤਾ। ਇਹ ਅਭਿਆਸ ਦੋ ਪੜਾਵਾਂ ਵਿੱਚ ਹੋਵੇਗਾ। ਅਭਿਆਸ ਦੇ ਜ਼ਮੀਨੀ ਪੜਾਅ ਵਿੱਚ, 'ਟੇਬਲ-ਟੌਪ' ਅਭਿਆਸਾਂ ਅਤੇ ਯੋਜਨਾਵਾਂ 'ਤੇ ਚਰਚਾ ਕੀਤੀ ਜਾਵੇਗੀ, ਜਦੋਂ ਕਿ ਸਮੁੰਦਰੀ ਪੜਾਅ ਵਿੱਚ, ਦੋਨਾਂ ਦੇਸ਼ਾ ਦੀਆਂ ਜਲ ਸੈਨਾਵਾਂ ਪਣਡੁੱਬੀ ਵਿਰੋਧੀ ਯੁੱਧ ਅਤੇ ਹਥਿਆਰਾਂ ਚਲਾਉਣ ਸਮੇਤ ਵੱਖ-ਵੱਖ ਅਭਿਆਸ ਕਰਨਗੀਆ।
- US Trudeaus allegations: ਕੈਨੇਡਾ ਦੇ ਹੱਕ ਵਿੱਚ ਖੜ੍ਹਾ ਅਮਰੀਕਾ, ਟਰੂਡੋ ਵੱਲੋਂ ਭਾਰਤ 'ਤੇ ਲਾਏ ਇਲਜ਼ਾਮਾਂ ਤੋਂ ਅਮਰੀਕੀ ਵਿਦੇਸ਼ ਵਿਭਾਗ ਬੇਹੱਦ ਚਿੰਤਤ
- England MP Reaction on Nijjar: ਕੈਨੇਡਾ ਪ੍ਰਧਾਨ ਮੰਤਰੀ ਟਰੂਡੋ ਦੇ ਬਿਆਨ ਤੋਂ ਇੰਗਲੈਂਡ ਦੇ ਸਿੱਖ ਚਿੰਤਤ, ਯੂਕੇ ਦੇ ਸੰਸਦ ਮੈਂਬਰਾਂ ਨੇ ਕਿਹਾ ਸਮਰਥਕ ਕਰ ਰਹੇ ਨੇ ਫੋਨ
- North Koreas Russia ties: ਕਿਮ ਨੇ ਰੂਸ ਨਾਲ ਸਬੰਧਾਂ ਨੂੰ ਵਧਾਉਣ ਲਈ ਕੀਤੀ ਪਹਿਲ, ਅਮਰੀਕਾ ਅਤੇ ਦੱਖਣ ਕੋਰੀਆ ਨੇ ਦਿੱਤੀ ਚਿਤਾਵਨੀ