ਨਵੀਂ ਦਿੱਲੀ: ਸੈਂਸੈਕਸ ਦੀਆਂ ਚੋਟੀ ਦੀਆਂ 10 'ਚੋਂ 6 ਕੰਪਨੀਆਂ ਦੇ ਬਾਜ਼ਾਰ ਪੂੰਜੀਕਰਣ ਵਿੱਚ ਪਿਛਲੇ ਹਫਤੇ ਸਮੂਹਿਕ ਤੌਰ 'ਤੇ 70,486.95 ਕਰੋੜ ਰੁਪਏ ਦੀ ਗਿਰਾਵਟ ਆਈ। ਸਭ ਤੋਂ ਜ਼ਿਆਦਾ ਨੁਕਸਾਨ ਰਿਲਾਇੰਸ ਇੰਡਸਟਰੀਜ਼ ਅਤੇ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ ਨੂੰ ਝੱਲਣਾ ਪਿਆ। ਰਿਲਾਇੰਸ ਇੰਡਸਟਰੀਜ਼, ਟੀਸੀਐਸ, ਐਚਡੀਐਫਸੀ ਬੈਂਕ, ਆਈਟੀਸੀ, ਸਟੇਟ ਬੈਂਕ ਆਫ਼ ਇੰਡੀਆ (ਐਸਬੀਆਈ) ਅਤੇ ਐਚਡੀਐਫਸੀ ਦੇ ਬਾਜ਼ਾਰ ਪੂੰਜੀਕਰਣ ਵਿੱਚ ਗਿਰਾਵਟ ਆਈ। ਦੂਜੇ ਪਾਸੇ ਆਈਸੀਆਈਸੀਆਈ ਬੈਂਕ, ਹਿੰਦੁਸਤਾਨ ਯੂਨੀਲੀਵਰ, ਇਨਫੋਸਿਸ ਅਤੇ ਭਾਰਤੀ ਏਅਰਟੈੱਲ ਦਾ ਬਾਜ਼ਾਰ ਮੁਲਾਂਕਣ ਵਧਿਆ। ਪਿਛਲੇ ਹਫਤੇ ਬੀਐਸਈ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 298.22 ਅੰਕ ਜਾਂ 0.48 ਫੀਸਦੀ ਹੇਠਾਂ ਆਇਆ।
ਸ਼ੇਅਰ ਬਾਜ਼ਾਰ ਦੇ ਸੈਂਸੈਕਸ ਦੀਆਂ ਟਾਪ-10 'ਚੋਂ 6 ਕੰਪਨੀਆਂ ਦੇ ਬਾਜ਼ਾਰ ਪੂੰਜੀਕਰਣ 'ਚ ਕਮੀ ਆਈ ਹੈ। ਇਨ੍ਹਾਂ 6 ਕੰਪਨੀਆਂ ਦੇ ਮਾਰਕੀਟ ਕੈਪ 'ਚ 70,487 ਕਰੋੜ ਰੁਪਏ ਦਾ ਘਾਟਾ ਹੋਇਆ ਹੈ।
ਰਿਲਾਇੰਸ ਇੰਡਸਟਰੀਜ਼ ਦਾ ਬਾਜ਼ਾਰ ਪੂੰਜੀਕਰਣ ਘਟਿਆ: ਸਮੀਖਿਆ ਅਧੀਨ ਹਫਤੇ 'ਚ ਰਿਲਾਇੰਸ ਇੰਡਸਟਰੀਜ਼ ਦਾ ਬਾਜ਼ਾਰ ਪੂੰਜੀਕਰਣ 27,941.49 ਕਰੋੜ ਰੁਪਏ ਘੱਟ ਕੇ 16,52,702.63 ਕਰੋੜ ਰੁਪਏ ਰਹਿ ਗਿਆ। TCS ਦਾ ਬਾਜ਼ਾਰ ਮੁਲਾਂਕਣ 19,027.06 ਕਰੋੜ ਰੁਪਏ ਘੱਟ ਕੇ 11,78,854.88 ਕਰੋੜ ਰੁਪਏ ਹੋ ਗਿਆ। HDFC ਬੈਂਕ ਦਾ ਮਾਰਕੀਟ ਕੈਪ 10,527.02 ਕਰੋੜ ਰੁਪਏ ਘੱਟ ਕੇ 9,20,568.10 ਕਰੋੜ ਰੁਪਏ ਰਹਿ ਗਿਆ। HDFC ਦੀ ਕੁੱਲ ਜਾਇਦਾਦ 9,585.82 ਕਰੋੜ ਰੁਪਏ ਦੇ ਘਾਟੇ ਨਾਲ 4,99,848.62 ਕਰੋੜ ਰੁਪਏ 'ਤੇ ਆ ਗਈ।
ਐਸਬੀਆਈ ਦਾ ਬਾਜ਼ਾਰ ਮੁਲਾਂਕਣ ਘਟਿਆ: ਐਸਬੀਆਈ ਦਾ ਬਾਜ਼ਾਰ ਮੁਲਾਂਕਣ 2,722.01 ਕਰੋੜ ਰੁਪਏ ਘੱਟ ਕੇ 5,13,209.81 ਕਰੋੜ ਰੁਪਏ ਰਹਿ ਗਿਆ। ITC ਦਾ ਮੁਲਾਂਕਣ 683.55 ਕਰੋੜ ਰੁਪਏ ਘੱਟ ਕੇ 5,21,852.46 ਕਰੋੜ ਰੁਪਏ ਰਹਿ ਗਿਆ। ਇਸ ਰੁਝਾਨ ਦੇ ਉਲਟ ਇੰਫੋਸਿਸ ਦਾ ਬਾਜ਼ਾਰ ਪੂੰਜੀਕਰਣ 9,733.98 ਕਰੋੜ ਰੁਪਏ ਵੱਧ ਕੇ 5,26,491.90 ਕਰੋੜ ਰੁਪਏ 'ਤੇ ਪਹੁੰਚ ਗਿਆ। ਭਾਰਤੀ ਏਅਰਟੈੱਲ ਦਾ ਮਾਰਕੀਟ ਕੈਪ 7,722.54 ਕਰੋੜ ਰੁਪਏ ਵੱਧ ਕੇ 4,49,050.34 ਕਰੋੜ ਰੁਪਏ 'ਤੇ ਪਹੁੰਚ ਗਿਆ। ICICI ਬੈਂਕ ਦਾ ਮੁਲਾਂਕਣ 7,716.4 ਕਰੋੜ ਰੁਪਏ ਵੱਧ ਕੇ 6,67,196.10 ਕਰੋੜ ਰੁਪਏ ਹੋ ਗਿਆ।
ਰਿਲਾਇੰਸ ਇੰਡਸਟਰੀਜ਼ ਚੋਟੀ ਦੀਆਂ 10 ਕੰਪਨੀਆਂ ਦੀ ਸੂਚੀ ਵਿੱਚ ਪਹਿਲੇ ਸਥਾਨ 'ਤੇ: ਹਿੰਦੁਸਤਾਨ ਯੂਨੀਲੀਵਰ ਦਾ ਬਾਜ਼ਾਰ ਪੂੰਜੀਕਰਣ 4,229.27 ਕਰੋੜ ਰੁਪਏ ਵੱਧ ਕੇ 6,20,621.04 ਕਰੋੜ ਰੁਪਏ ਹੋ ਗਿਆ। ਰਿਲਾਇੰਸ ਇੰਡਸਟਰੀਜ਼ ਨੇ ਚੋਟੀ ਦੀਆਂ 10 ਕੰਪਨੀਆਂ ਦੀ ਸੂਚੀ ਵਿੱਚ ਪਹਿਲਾ ਸਥਾਨ ਬਰਕਰਾਰ ਰੱਖਿਆ ਹੈ। ਇਸ ਤੋਂ ਬਾਅਦ ਕ੍ਰਮਵਾਰ TCS, HDFC ਬੈਂਕ, ICICI ਬੈਂਕ, ਹਿੰਦੁਸਤਾਨ ਯੂਨੀਲੀਵਰ, ਇਨਫੋਸਿਸ, ITC, SBI, HDFC ਅਤੇ ਭਾਰਤੀ ਏਅਰਟੈੱਲ ਦਾ ਨੰਬਰ ਆਉਂਦਾ ਹੈ।