ਚੀਨ/ਹਾਂਗਜ਼ੂ: ਭਾਰਤੀ ਖਿਡਾਰੀਆਂ ਨੇ ਏਸ਼ਿਆਈ ਖੇਡਾਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਚਾਰ ਦਿਨਾਂ ਵਿੱਚ ਦੇਸ਼ ਲਈ 5 ਸੋਨ ਤਗ਼ਮੇ ਜਿੱਤੇ ਹਨ। ਅੱਜ ਵੀਰਵਾਰ ਨੂੰ ਵੀ ਦਿਨ ਦਾ ਪਹਿਲਾ ਸੋਨ ਤਮਗਾ ਭਾਰਤ ਦੀ ਝੋਲੀ 'ਚ ਆਇਆ ਹੈ। ਭਾਰਤ ਨੇ 10 ਮੀਟਰ ਏਅਰ ਪਿਸਟਲ ਵਿੱਚ ਸੋਨ ਤਮਗਾ ਜਿੱਤਿਆ।
Asian Games 2023: ਭਾਰਤ ਨੇ 10 ਮੀਟਰ ਏਅਰ ਪਿਸਟਲ ਸ਼ੂਟਿੰਗ ਵਿੱਚ ਗੋਲਡ ਅਤੇ ਵੁਸ਼ੂ ਵਿੱਚ ਜਿੱਤਿਆ ਚਾਂਦੀ ਦਾ ਤਗਮਾ
Published : Sep 28, 2023, 4:25 PM IST
ਏਸ਼ੀਆਈ ਖੇਡਾਂ ਦੇ ਪੰਜਵੇਂ ਦਿਨ ਭਾਰਤ ਨੇ ਪਹਿਲਾ ਸੋਨ ਤਮਗਾ ਜਿੱਤ ਲਿਆ ਹੈ। ਭਾਰਤ ਨੇ 10 ਮੀਟਰ ਏਅਰ ਪਿਸਟਲ 'ਚ ਸੋਨ ਤਗਮਾ ਜਿੱਤ ਕੇ ਦੇਸ਼ ਲਈ ਛੇਵਾਂ ਸੋਨ ਤਗਮਾ ਜਿੱਤਿਆ। ਭਾਰਤ ਨੇ ਹੁਣ ਤੱਕ 24 ਤਗਮੇ ਜਿੱਤੇ ਹਨ।
ਵੁਸ਼ੂ ਵਿੱਚ ਜਿੱਤਿਆ ਚਾਂਦੀ ਦਾ ਤਗਮਾ: ਇਸ ਤੋਂ ਪਹਿਲਾਂ ਅੱਜ ਸਵੇਰੇ ਭਾਰਤੀ ਨੇ ਵੁਸ਼ੂ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ। ਭਾਰਤੀ ਵੁਸ਼ੂ ਖਿਡਾਰਨ ਰੋਸ਼ੀਬਿਨਾ ਦੇਵੀ ਨੇ 60 ਕਿਲੋ ਭਾਰ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ। ਏਸ਼ੀਆਡ ਦੇ ਇਤਿਹਾਸ ਵਿੱਚ ਵੁਸ਼ੂ ਵਿੱਚ ਭਾਰਤ ਦਾ ਇਹ ਦੂਜਾ ਚਾਂਦੀ ਦਾ ਤਗਮਾ ਹੈ। ਵੁਸ਼ੂ ਦੇ ਫਾਈਨਲ ਵਿੱਚ ਉਹ ਚੀਨ ਦੀ ਜਿਓ ਵੇਈ ਵੂ ਤੋਂ ਹਾਰ ਗਈ। ਏਸ਼ਿਆਈ ਖੇਡਾਂ ਦੇ ਇਤਿਹਾਸ ਵਿੱਚ, ਭਾਰਤ ਨੇ ਹੁਣ ਤੱਕ ਵੁਸ਼ੂ ਵਿੱਚ 10 ਤਗਮੇ ਜਿੱਤੇ ਹਨ, ਜਿਸ ਵਿੱਚ 2 ਚਾਂਦੀ ਅਤੇ 8 ਕਾਂਸੀ ਦੇ ਤਗਮੇ ਸ਼ਾਮਲ ਹਨ। ਰੋਸ਼ੀਬਿਨਾ ਦੇਵੀ ਤੋਂ ਪਹਿਲਾਂ ਸੰਧਿਆ ਰਾਣੀ ਦੇਵੀ ਨੇ ਗੁਆਂਗਜ਼ੂ 2010 ਵਿੱਚ ਔਰਤਾਂ ਦੇ 60 ਕਿਲੋ ਵਿੱਚ ਪਹਿਲਾ ਚਾਂਦੀ ਦਾ ਤਗ਼ਮਾ ਜਿੱਤਿਆ ਸੀ। ਰੋਸ਼ੀਬਿਨਾ ਦੇਵੀ ਦਾ ਏਸ਼ੀਆ 'ਚ ਇਹ ਦੂਜਾ ਤਮਗਾ ਹੈ। ਇਸ ਤੋਂ ਪਹਿਲਾਂ ਉਸ ਨੇ 2018 ਦੀਆਂ ਏਸ਼ਿਆਈ ਖੇਡਾਂ ਵਿੱਚ 60 ਕਿਲੋ ਭਾਰ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਿਆ ਸੀ। ਉਸ ਨੂੰ ਵੇਈ ਵੂ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ।
- Asian Games 2023: ਬਚਪਨ ਤੋਂ ਸ਼ਰਾਰਤੀ ਆਦਰਸ਼ ਸਿੰਘ ਨੇ ਭੈਣ ਨਾਲ ਸ਼ੁਰੂ ਕੀਤੀ ਟ੍ਰੇਨਿੰਗ, ਏਸ਼ੀਅਨ 'ਚ ਜਿੱਤਿਆ ਤਗ਼ਮਾ, ਪਰਿਵਾਰ 'ਚ ਖੁਸ਼ੀ ਦਾ ਮਾਹੌਲ
- Asian games 2023 : ਭਾਰਤ ਨੇ 25 ਮੀਟਰ ਪਿਸਟਲ ਮੁਕਾਬਲੇ ਵਿੱਚ ਜਿੱਤਿਆ ਸੋਨੇ ਦਾ ਤਮਗ਼ਾ, ਭਾਰਤ ਦੀ ਝੋਲੀ ਵਿੱਚ ਹੁਣ ਤੱਕ ਕੁੱਲ 4 ਗੋਲਡ ਮੈਡਲ
- Asian games 2023: ਫਰੀਦਕੋਟ ਦੀ ਸਿਫਤ ਦੇ ਸਿਰ ਸਜਿਆ ਸੋਨੇ ਦਾ ਤਾਜ, ਚਾਰੇ ਪਾਸੇ ਹੋ ਰਹੀਆਂ ਸਿਫਤਾਂ, ਪੰਜਾਬ ਦੀ ਇਸ ਧੀ ਨੇ ਤੋੜਿਆ ਵਿਸ਼ਵ ਰਿਕਾਰਡ, ਮਾਪਿਆਂ ਨੂੰ ਲਾਡਲੀ ਧੀ 'ਤੇ ਫ਼ਖਰ
ਏਸ਼ਿਆਈ ਖੇਡਾਂ ਵਿੱਚ ਭਾਰਤ ਨੇ ਹੁਣ ਤੱਕ ਜਿੱਤੇ 24 ਤਗ਼ਮੇ: ਏਸ਼ਿਆਈ ਖੇਡਾਂ ਵਿੱਚ ਭਾਰਤ ਨੇ ਹੁਣ ਤੱਕ 24 ਤਗ਼ਮੇ ਜਿੱਤੇ ਹਨ। ਇਨ੍ਹਾਂ ਵਿੱਚੋਂ 6 ਗੋਲਡ ਮੈਡਲ ਹਨ। ਭਾਰਤ ਨੇ ਸ਼ੂਟਿੰਗ 'ਚ 4 ਗੋਲਡ ਜਿੱਤੇ ਹਨ। ਭਾਰਤ ਨੇ ਘੋੜ ਸਵਾਰੀ ਈਵੈਂਟ ਵਿੱਚ ਵੀ ਸੋਨ ਤਮਗਾ ਹਾਸਲ ਕੀਤਾ ਹੈ। ਇਸ ਦੇ ਨਾਲ ਹੀ ਮਹਿਲਾ ਕ੍ਰਿਕਟ ਟੀਮ ਨੇ ਵੀ ਸ਼੍ਰੀਲੰਕਾ ਨੂੰ ਹਰਾ ਕੇ ਸੋਨ ਤਮਗਾ ਜਿੱਤਿਆ। ਇਸ ਤੋਂ ਇਲਾਵਾ ਭਾਰਤ ਨੂੰ 7 ਚਾਂਦੀ ਦੇ ਤਗਮੇ ਮਿਲੇ ਹਨ। ਇਨ੍ਹਾਂ 'ਚ ਸ਼ੂਟਿੰਗ 'ਚ 4 ਮੈਡਲ, ਰੋਇੰਗ 'ਚ 2 ਮੈਡਲ ਅਤੇ ਸੇਲਿੰਗ 'ਚ 1 ਮੈਡਲ ਸ਼ਾਮਲ ਹੈ। ਹੁਣ ਤੱਕ ਭਾਰਤੀ ਖਿਡਾਰੀ 10 ਕਾਂਸੀ ਦੇ ਤਗਮੇ ਜਿੱਤ ਚੁੱਕੇ ਹਨ। ਜਿਸ ਵਿੱਚ ਰੋਇੰਗ ਵਿੱਚ 3 ਅਤੇ ਸ਼ੂਟਿੰਗ ਵਿੱਚ 6 ਕਾਂਸੀ ਦੇ ਤਗਮੇ ਜਿੱਤੇ ਹਨ, ਜਦਕਿ 2 ਸੈਲਿੰਗ ਵਿੱਚ ਜਿੱਤੇ ਹਨ।