ਮੁੰਬਈ: ਓਮ ਰਾਉਤ ਦੀ ਫਿਲਮ 'ਆਦਿਪੁਰਸ਼' ਹਿੰਦੂ ਮਹਾਂਕਾਵਿ 'ਰਾਮਾਇਣ' ਤੋਂ ਪ੍ਰੇਰਿਤ ਸੀ, ਜੋ ਬਾਕਸ ਆਫਿਸ 'ਤੇ ਚੰਗਾ ਪ੍ਰਦਰਸ਼ਨ ਨਹੀਂ ਕਰ ਸਕੀ। ਇਸ ਨੇ ਆਪਣੇ ਮਾੜੇ VFX ਅਤੇ ਸੰਵਾਦਾਂ ਨਾਲ ਵੀ ਦਰਸ਼ਕਾਂ ਨੂੰ ਨਿਰਾਸ਼ ਕੀਤਾ। ਇਸੇ ਕਰਕੇ ਦੇਸ਼ ਦੇ ਕਈ ਥਾਈਂ ਇਸ ਦਾ ਵਿਰੋਧ ਹੋਇਆ।
ਹੁਣ ਇੱਕ ਵਾਰ ਫਿਰ ਰਾਮਾਇਣ ਤੋਂ ਪ੍ਰੇਰਿਤ ਇੱਕ ਹੋਰ ਫਿਲਮ ਦਰਸ਼ਕਾਂ ਲਈ ਆ ਰਹੀ ਹੈ। ਜਿਸ ਦਾ ਨਿਰਦੇਸ਼ਨ ਦੰਗਲ ਫੇਮ ਨਿਤੇਸ਼ ਤਿਵਾਰੀ ਕਰਨਗੇ। ਖਬਰਾਂ ਹਨ ਕਿ ਰਣਬੀਰ ਕਪੂਰ ਇਸ ਫਿਲਮ 'ਚ ਭਗਵਾਨ ਰਾਮ, ਸਾਈ ਪੱਲਵੀ ਮਾਂ ਸੀਤਾ ਅਤੇ ਕੇਜੀਐੱਫ ਸਟਾਰ ਯਸ਼ ਰਾਵਣ ਦੀ ਭੂਮਿਕਾ ਨਿਭਾਉਣਗੇ। ਹਾਲਾਂਕਿ ਨਿਰਮਾਤਾਵਾਂ ਨੇ ਇਸ ਬਾਰੇ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਹੈ।
ਜਾਣੋ ਕੌਣ ਨਿਭਾਏਗਾ ਲਕਸ਼ਮਣ ਦਾ ਕਿਰਦਾਰ:ਖਬਰਾਂ ਦੀ ਮੰਨੀਏ ਤਾਂ ਰਾਮਾਇਣ ਤੋਂ ਪ੍ਰੇਰਿਤ ਇਸ ਫਿਲਮ 'ਚ ਟੀਵੀ ਸਟਾਰ ਰਵੀ ਦੂਬੇ ਲਕਸ਼ਮਣ ਦਾ ਕਿਰਦਾਰ ਨਿਭਾਉਣ ਜਾ ਰਹੇ ਹਨ। ਹਾਲਾਂਕਿ ਇਸ ਸੰਬੰਧੀ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ ਹੈ।
ਉਲੇਖਯੋਗ ਹੈ ਕਿ ਰਵੀ ਦੂਬੇ ਨੇ ਇੱਕ ਅਦਾਕਾਰ ਅਤੇ ਨਿਰਮਾਤਾ ਦੋਵਾਂ ਦੇ ਰੂਪ ਵਿੱਚ ਆਪਣੀ ਸਥਿਤੀ ਨੂੰ ਮਜ਼ਬੂਤ ਕਰਕੇ ਟੈਲੀਵਿਜ਼ਨ ਉਦਯੋਗ ਵਿੱਚ ਇੱਕ ਵਿਸ਼ੇਸ਼ ਛਾਪ ਛੱਡੀ ਹੈ। 2006 ਵਿੱਚ ਐਕਟਿੰਗ ਵਿੱਚ ਆਉਣ ਤੋਂ ਪਹਿਲਾਂ ਉਸਨੇ ਇੱਕ ਮਾਡਲ ਦੇ ਰੂਪ ਵਿੱਚ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਉਸਨੇ ਡੀਡੀ ਨੈਸ਼ਨਲ ਟੈਲੀਵਿਜ਼ਨ ਸ਼ੋਅ 'ਇਸਤਰੀ...ਤੇਰੀ ਕਹਾਣੀ' ਵਿੱਚ ਮੁੱਖ ਭੂਮਿਕਾ ਨਿਭਾ ਕੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।
ਬਾਅਦ ਵਿੱਚ ਉਸਨੂੰ 'ਯਹਾਂ ਕੇ ਹਮ ਸਿਕੰਦਰ' ਵਿੱਚ ਮੁੱਖ ਭੂਮਿਕਾ ਮਿਲੀ, ਜਿੱਥੇ ਉਸਨੇ ਰਵੀ ਦਾ ਕਿਰਦਾਰ ਨਿਭਾਇਆ। ਆਪਣੇ ਪੂਰੇ ਕਰੀਅਰ ਦੌਰਾਨ ਦੂਬੇ ਵੱਖ-ਵੱਖ ਬ੍ਰਾਂਡਾਂ ਜਿਵੇਂ ਕਿ ਰਿਲਾਇੰਸ, ਟੀਵੀਐਸ ਵਿਕਟਰ, ਮਿਸਿਜ਼ ਮਾਰੀਨੋ, ਜੀਪੀ ਮੋਬਾਈਲ ਲਈ ਲਗਭਗ 40 ਟੈਲੀਵਿਜ਼ਨ ਵਿਗਿਆਪਨਾਂ ਵਿੱਚ ਦਿਖਾਈ ਦਿੱਤੇ ਹਨ।
ਨਿਤੇਸ਼ ਤਿਵਾਰੀ ਦੀ ਰਾਮਾਇਣ ਨੂੰ ਲੈ ਕੇ ਜ਼ਿਆਦਾ ਕੁਝ ਸਾਹਮਣੇ ਨਹੀਂ ਆਇਆ ਹੈ, ਕਿਉਂਕਿ ਜੋ ਖਬਰਾਂ ਸੁਣੀਆਂ ਜਾ ਰਹੀਆਂ ਹਨ, ਉਨ੍ਹਾਂ 'ਚੋਂ ਕਿਸੇ ਦੀ ਵੀ ਪੁਸ਼ਟੀ ਨਹੀਂ ਹੋਈ ਹੈ। ਇਹ ਵੀ ਸੁਣਨ ਵਿੱਚ ਆਇਆ ਸੀ ਕਿ ਸੰਨੀ ਦਿਓਲ ਹਨੂੰਮਾਨ ਦਾ ਕਿਰਦਾਰ ਨਿਭਾਉਣ ਲਈ ਰਾਜ਼ੀ ਹੋ ਗਏ ਸਨ। ਉਮੀਦ ਹੈ ਕਿ ਟੀਮ 17 ਅਪ੍ਰੈਲ ਯਾਨੀ ਰਾਮ ਨੌਮੀ ਨੂੰ ਫਿਲਮ ਬਾਰੇ ਐਲਾਨ ਕਰੇਗੀ। ਹੁਣ ਦਰਸ਼ਕ ਚਾਹੁੰਦੇ ਹਨ ਕਿ ਫਿਲਮ ਬਾਰੇ ਜਲਦੀ ਤੋਂ ਜਲਦੀ ਅਧਿਕਾਰਤ ਐਲਾਨ ਕੀਤਾ ਜਾਵੇ।
