ହାଇଦ୍ରାବାଦ: ଅକ୍ଟୋବରରୁ 1ରୁ 31 ଅକ୍ଟୋବର ପର୍ଯ୍ୟନ୍ତ ସାରା ବିଶ୍ୱରେ ସ୍ତନ କର୍କଟ ମାସ(Breast Cancer Awareness Month) ପାଳନ କରାଯାଏ । ରୋଗ ବାବଦରେ ସଚେତନତା ସୃଷ୍ଟି କରିବା ଏହି ମାସ ପାଳନର ମୁଖ୍ୟ ଉଦ୍ଦେଶ୍ୟ । କାରଣ ସଠିକ୍ ସମୟରେ ରୋଗ ନିରୂପଣ ଏବଂ ଚିକିତ୍ସା କରାଯାଇ ପାରିଲେ ନିଶ୍ଚିତ ରୂପେ ସ୍ତନ କର୍କଟ ଭଳି ବିପଜ୍ଜନକ ରୋଗକୁ ମାତ୍ ଦେଇହେବ ।
ଏହି ଜଟିଳ ରୋଗରେ ପୀଡିତ ହେବା ମାତ୍ରେ ଅଧିକାଂଶ ମହିଳା ଏହା ଭାବନ୍ତି ଯେ, ସେମାନଙ୍କ ଜୀବନ ଶେଷ ହେବାକୁ ଯାଉଛି । ଏହାର କାରଣ ହେଉଛି, ଏହି ରୋଗ ଏବଂ ଏହାର ଚିକିତ୍ସା ବିଷୟରେ ଲୋକଙ୍କ ମଧ୍ୟରେ ସଚେତନତାର ଅଭାବ ଏବଂ କର୍କଟ ରୋଗ ବିଷୟରେ ସେମାନଙ୍କ ମନରେ ଥିବା ଭୟ । ତେବେ ସ୍ତନ କର୍କଟ ବିରୋଧରେ ଲଢେଇ କେବଳ ଶାରୀରିକ ନୁହେଁ ମାନସିକ ସ୍ତରରେ ମଧ୍ୟ କଷ୍ଟସାଧ୍ୟ । କାରଣ ଏହି ସମୟ ମଧ୍ୟରେ ରୋଗ ସହିତ ଜଡିତ ଦ୍ୱନ୍ଦ୍ୱ, ଆରୋଗ୍ୟ ହେବାର ଭୟ, ଶରୀର ଉପରେ ଔଷଧର ପ୍ରଭାବ ଏବଂ କେଶ, ସୌନ୍ଦର୍ଯ୍ୟ ଏବଂ ସ୍ୱାସ୍ଥ୍ୟ ଉପରେ ଏହାର ପ୍ରଭାବ ମାନସିକ ସ୍ତରରେ ବହୁତ ପ୍ରଭାବ ପକାଇଥାଏ ।
ସ୍ତନ କର୍କଟରୁ ବର୍ତ୍ତିଥିବା ବ୍ୟକ୍ତିଙ୍କ ସଂଘର୍ଷ:-
ସ୍ତନ କର୍କଟ ମାସ ଅବସରରେ ଏହି ବିଶେଷ ଆର୍ଟିକିଲରେ, ସ୍ତନ କର୍କଟକୁ ମାତ୍ ଦେଇଥିବା ମହିଳାଙ୍କ ପ୍ରତିକ୍ରିୟା ନିଆଯାଇଛି । ଯେଉଁଥିରେ ସେମାନେ କର୍କଟ ସହ ଲଢିବାର ଯାତ୍ରା ବାବଦରେ ବର୍ଣ୍ଣନା କରିଛନ୍ତି । କର୍କଟ ରୋଗ ସହ ସଂଗ୍ରାମର କାହାଣୀ ବର୍ଣ୍ଣନା କରି ଶିକ୍ଷକ ଅରୁଣା ବାଜପେଇ କହିଛନ୍ତି ଯେ, ସେ ଦ୍ୱିତୀୟ ପର୍ଯ୍ୟାୟରେ କର୍କଟ ବିଷୟରେ ଜାଣିଥିଲେ । ତାଙ୍କ ଡାହାଣ ସ୍ତନରେ ଗୋଟିଏ ଜମାଟ ଥିଲା, ଯାହାକୁ ସେ ଦୀର୍ଘ ଦିନ ଧରି କାର୍ଯ୍ୟ ବ୍ୟସ୍ତତା କାରଣରୁ ଅବହେଳା କରି ଆସୁଥିଲେ ।
କିନ୍ତୁ ପରେ, ସେହି ସ୍ଥାନରେ କିଛି ଅସ୍ୱାଭାବିକତା ସହିତ, ଅନ୍ୟ କେତେକ ପ୍ରକାରର ଶାରୀରିକ ସମସ୍ୟା ଜ୍ୱର, ବାନ୍ତି ଭଳି ଅନୁଭବ, ହରମୋନରେ ବ୍ୟାଘାତ ଇତ୍ୟାଦି ଅନୁଭବ କରିବାକୁ ଲାଗିଲା । ଏଭଳି ପରିସ୍ଥିତିରେ ଯେତେବେଳେ ସେ ଡାକ୍ତରଙ୍କ ସହିତ ପରାମର୍ଶ କଲେ, ସେ ପରୀକ୍ଷା କରିବାକୁ ପରାମର୍ଶ ଦେଇଥିଲେ । ଯେଉଁଥିରେ କର୍କଟ ଆକ୍ରାନ୍ତ ହୋଇଥିବା ନେଇ ସ୍ପଷ୍ଟ ହୋଇଥିଲା ।
ସେ କହିଛନ୍ତି ଯେ, କର୍କଟ ରୋଗର ଯାତ୍ରା ସହଜ ନଥିଲା । ସ୍ତନ ସର୍ଜରୀ ଏବଂ ବିଭିନ୍ନ ପ୍ରକାରର ଥେରାପି ସାମ୍ନା କରିବା ଯନ୍ତ୍ରଣାଦାୟକ ଥିଲା । ବେଳେବେଳେ ଫଳାଫଳ ସକରାତ୍ମକ ଥିଲା ଏବଂ ବେଳେବେଳେ ପରିସ୍ଥିତି ବିଗିଡି ଯାଇଥିଲା । କିନ୍ତୁ ଡାକ୍ତରଙ୍କ ଉତ୍ସାହ ଏବଂ ସ୍ତନ କର୍କଟ ବିଷୟରେ ଅଧିକ ସୂଚନା ପାଇବା ସହିତ ବଞ୍ଚିବାକୁ ଆଶା ବଢିବାର ଲାଗିଲା ଏବଂ ତା’ପରେ ବିଶ୍ୱାସ ହେଲା ଯେ, ମୁଁ ଏହି ରୋଗଠୁ ଜିତିବି । ସେ କହିଛନ୍ତି ଯେ, ଯଦି ପ୍ରାଥମିକ ପର୍ଯ୍ୟାୟରୁ ଡାକ୍ତରଙ୍କ ପରାମର୍ଶ ନେଇଥାନ୍ତି, ତେବେ ବିଶେଷ ସମସ୍ୟା ହୋଇନଥାନ୍ତି । ଏଥିସହ ସେ ଏହା ମଧ୍ୟ କହିଛନ୍ତି ଯେ, ଏହି ଯାତ୍ରା ତାଙ୍କୁ ମାନସିକ ସ୍ତରରେ ଅଧିକ ଶକ୍ତିଶାଳୀ କରିଛି ।