ସୁବର୍ଣ୍ଣପୁର: ଦୀର୍ଘ 9 ମାସ ପରେ ଭକ୍ତଙ୍କୁ ଦର୍ଶନ ଦେଲେ ସୋନପୁର ଗଡଜାତର ଇଷ୍ଟ ଦେବୀ ମା ସୁରେଶ୍ବରୀ। ଲକଡାଉନ ଯୋଗୁଁ ମା'ଙ୍କ ମନ୍ଦିର ବନ୍ଦ ରହିଥିଲା। ଆଜି(ଶୁକ୍ରବାର) ମା'ଙ୍କ ମନ୍ଦିର ଖୋଲିବା ପରେ ପ୍ରଥମ ସଂନ୍ଧ୍ୟା ଆଳତୀ କରାଯାଇଥିଲା। ମା'ଙ୍କ ଆଶିଷ ପାଇବା ପାଇଁ ପୀଠରେ ଶ୍ରଦ୍ଧାଳୁଙ୍କ ସମାଗମ ହୋଇଛି।
ଲକଡାଉନ ଆରମ୍ଭ ହେବା ପରଠୁ ଶ୍ରଦ୍ଧାଳୁମାନେ ଦେବୀ ଦର୍ଶନ କରିବାର ସୁଯୋଗ ପାଉ ନଥିଲେ। ଗତକାଲି(ଗୁରୁବାର) ସୁବର୍ଣ୍ଣପୁର ଦେବୋତ୍ତର ବିଭାଗ ଜିଲ୍ଲାରେ ମଠ ଓ ମନ୍ଦିର ଖୋଲିବା ପାଇଁ ଅନୁମତି ଦେଇଥିଲା। ଏହାପରେ ସହରରେ ଦେବାଦେବୀଙ୍କ ମନ୍ଦିରଗୁଡିକରେ ଶ୍ରଦ୍ଧାଳୁମାନଙ୍କ ଭିଡ଼ ଦେଖିବାକୁ ମିଳିଥିଲା। କୋଭିଡ ନିୟମ ପାଳନ କରି ସେବାୟତ ମାନେ ଦେବାଦେବୀଙ୍କ ନୀତିକାନ୍ତି କରିଥିଲେ ।