ରାୟଗଡ଼ା:ରବି ଧାନ କିଣାକୁ ନେଇ ଜିଲ୍ଲା କଂଗ୍ରେସର ବିକ୍ଷୋଭ । ତେବେ ରାୟଗଡା ଜିଲ୍ଲାରେ ରବି ଧାନ ଅମଳ ହୋଇ ଲକ୍ଷ ଲକ୍ଷ ବସ୍ତା ଧାନ ରାସ୍ତାରେ ଓ ବିଲ ଗୁଡିକରେ ପଡି ରହିଛି । ଯୋଗାଣ ବିଭାଗର ମନମୁଖି କାର୍ଯ୍ୟ ପାଇଁ ଜିଲ୍ଲାର ଧାନ ଚାଷୀ ହନ୍ତସନ୍ତ ହେଉଥିବା ବେଳେ ସରକାର ନିଦା ବିଷ୍ଣୁ ସାଜିଛି।
ରବିଧାନ କିଣାକୁ ନେଇ ଜିଲ୍ଲା କଂଗ୍ରେସର ବିକ୍ଷୋଭ
ଏପଟେ ଚାଷୀ ଧାର କରଜ କରି ଧାନ ଅମଳ କରୁଛି । କିନ୍ତୁ ବର୍ତ୍ତମାନ ପରିସ୍ଥିତିକୁ ଦେଖି ଗୁଣପୁର ଅଞ୍ଚଳର ପଦ୍ମପୁର ବ୍ଲକ, ଗୁଡାରି ବ୍ଲକ, ଗୁଣପୁର ବ୍ଲକର ଲୋକେ ଆନ୍ଧ୍ରର ଧାନ ଦଲାଲଙ୍କୁ ବାଧ୍ୟ ହୋଇ ୮୫୦/-ଟଙ୍କାରେ ବିକି କ୍ଷତି ସହିଛନ୍ତି । ଯାହା ଫଳରେ ଜିଲ୍ଲାରେ ଚାଷି ଆତ୍ମହତ୍ୟା କରିବାକୁ ପଛାଉ ନାହାନ୍ତି । ତେଣୁ ଚାଷୀଙ୍କର ଜୀବନ ଓ ଆର୍ଥିକ ମେରୁଦଣ୍ଡ ରକ୍ଷା କରିବା ପାଇଁ ସରକାର ଶୀଘ୍ର ଲ୍ୟାମ୍ପସ୍ ଓ ମଣ୍ଡିକୁ ଆଦେଶ ଦେଇ ଧାନ କିଣା ପ୍ରକ୍ରିୟା ତୁରନ୍ତ ଆରମ୍ଭ କରନ୍ତୁ ।