ନୟାଗଡ଼: ନୟାଗଡ଼ ଜିଲ୍ଲା ଭାପୁର ବ୍ଲକ ଉପାଧ୍ୟକ୍ଷଙ୍କ ବିରୋଧରେ ସାଙ୍ଘାତିକ ଅଭିଯୋଗ ଆଣିଲେ ବ୍ଲକ ଅଧକ୍ଷା । ଜାଲ ଦସ୍ତଗତ କରି ଗତ 2 ବର୍ଷ ହେଲା ସମସ୍ତ ସରକାରୀ ଅଧିକାରୀ ଏବଂ ଅର୍ଥ ଆତ୍ମସାତ କରିଛନ୍ତି ବ୍ଲକ ଉପାଧ୍ୟକ୍ଷ ଗୟାଧର ପରିଡ଼ା l ଏପରିକି ଜାଲ ଲେଟର ପ୍ୟାଡ଼କୁ ବ୍ୟବହାର କରି ସରକାରଙ୍କ କୋଟି କୋଟି ଟଙ୍କାକୁ ଆତ୍ମସାତ କରିଥିବା ନେଇ ଫତେଗଡ଼ ଥାନାରେ ଲିଖିତ ଏତଲା ଦେଲେ ବ୍ଲକ ଅଧକ୍ଷା ଶାନ୍ତିଲତା ବେହେରା l
ବ୍ଲକ ଉପାଧ୍ୟକ୍ଷଙ୍କ ନାମରେ ସାଙ୍ଘାତିକ ଅଭିଯୋଗ ଆଣିଲେ ବ୍ଲକ ଅଧ୍ୟକ୍ଷା, ଜାଲ ଦସ୍ତଖତ ରେ ଲୁଟିଛନ୍ତି ସରକାରୀ ଅର୍ଥ ଶାନ୍ତିଲତା ଦଳିତ ଓ ନିରୀହ ମହିଳା ହୋଇଥିବାରୁ ବିଜେଡିର ହେଭିୱେଟ ନେତା ଗୟାଧର ପରିଡ଼ା ଅଧକ୍ଷାଙ୍କ ଅଗୋଚରରେ ଏଭଳି କୋଟି କୋଟି ଟଙ୍କା ଆତ୍ମସାତ କରିଥିବା ଲିଖିତ ଏତଲାରେ ଦର୍ଶାଇଛନ୍ତି ଶାନ୍ତିଲତା l ବ୍ଲକ ଉପାଧ୍ୟକ୍ଷ ତାଙ୍କୁ ନାମକୁ ମାତ୍ର ଭାବରେ ବ୍ୟବହାର କରିଥିବା ଭଳି ଗୁରୁତର ଅଭିଯୋଗ ଆଣିଛନ୍ତି ଶାନ୍ତିଲତା । ଉଭୟ ବ୍ଲକ ଅଧ୍ୟକ୍ଷା ଏବଂ ଉପାଧ୍ୟକ୍ଷ ବିଜେଡ଼ି ଦଳର ହୋଇଥିବାବେଳେ ଗତ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ବିଜେଡ଼ି ସମର୍ଥନରେ ବ୍ଲକ ଅଧ୍ୟକ୍ଷା ଭାବେ ନିର୍ବାଚିତ ହୋଇଥିଲେ ଶାନ୍ତିଲତା ।
ସେହିପରି ଉପାଧ୍ୟକ୍ଷ ଭାବରେ ନିର୍ବାଚିତ ହୋଇଥିଲେ ବିଜେଡିର ଖଣ୍ଡପଡ଼ା ନିର୍ବାଚନ ମଣ୍ଡଳୀର ଛାମୁଆ ନେତା ଗୟାଧର ପରିଡା । ତେବେ ଗତ 2 ବର୍ଷ ହେଲା ଉପାଧ୍ୟକ୍ଷ ଗୟାଧର ପରିଡ଼ା ବ୍ଲକରେ ସମସ୍ତେ କାର୍ଯ୍ୟ କରୁଥିବାବେଳେ ଅଧକ୍ଷା ଶାନ୍ତିଲତାଙ୍କ ଜାଲ ଦସ୍ତଖତ କରୁଥିବା ଅଭିଯୋଗ ଆଣିଛନ୍ତି ଶାନ୍ତିଲତା । ଏପରିକି ଅଧ୍ୟକ୍ଷଙ୍କ ପାଇଁ ଉଦ୍ଧିଷ୍ଟ ସରକାରୀ କାର୍ଯ୍ୟାଳୟକୁ ଯିବା ପାଇଁ ତାଙ୍କୁ ସୁଯୋଗ ଦିଆଯାଇନଥିବା ମଧ୍ୟ ଅଭିଯୋଗ ହୋଇଛି ।
ବ୍ଲକର କୌଣସି ସରକାରୀ କାମରେ ଆବଶ୍ୟକୀୟ ଫାଇଲ ଗତ 2 ବର୍ଷ ହେଲା ଦସ୍ତଖତ କରିନାହାନ୍ତି ଶାନ୍ତିଲତା । ସମସ୍ତ ପଞ୍ଚାୟତର ସରକାରୀ ପ୍ରକଳ୍ପରେ ଦୁର୍ନୀତି କରାଯାଇ ଟଙ୍କା ହଡପ ଭଳି ସଂଗୀନ ଅଭିଯୋଗ ଆଣିଲେ ଶାନ୍ତିଲତା । ଶାନ୍ତିଲତା ଫତେଗଡ଼ ଥାନାରେ ଲିଖିତ ଅଭିଯୋଗ ଦେବାପରେ ଏ ସମ୍ପର୍କରେ ସ୍ଥାନୀୟ ବିଧାୟକ ସୌମ୍ୟରଞ୍ଜନ ପଟ୍ଟନାୟକଙ୍କୁ ଜଣାଇବା ପାଇଁ ଯାଉଥିବା ଜଣାପଡ଼ିଛି l ଏନେଇ ନୟାଗଡ଼ ଏସପି ଏବଂ ଭିଜିଲାନ୍ସକୁ ମଧ୍ୟ ସମାନ ଅଭିଯୋଗ କରିଛନ୍ତି ଶାନ୍ତିଲତା । ତେବେ ଏହି ଘଟଣା ବେଶ ଚର୍ଚ୍ଚାର ବିଷୟ ପାଲଟିଛି l ବିଜେଡିର ତୁଙ୍ଗ ନେତାଙ୍କ କଳା କାରନାମାକୁ ପଦାରେ ପକାଇଛନ୍ତି ବ୍ଲକ ଅଧକ୍ଷା l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
