ନବରଙ୍ଗପୁର: ସଡକ ଦୁର୍ଘଟଣାରେ ମୃତ୍ୟୁ ପରେ ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ରାସ୍ତାରୋକ । ନବରଙ୍ଗପୁର ଜିଲ୍ଲା କୋଡ଼ିଙ୍ଗା ଥାନା ସମ୍ମୁଖରେ ମୃତଦେହକୁ ରଖାଯାଇ ରାସ୍ତାରୋକ କରାଯାଇଥିଲା ।
ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ରାସ୍ତା ରୋକ ଏହାପରେ ଘଟଣାସ୍ଥଳରେ ସ୍ଥାନୀୟ କୋଡ଼ିଗାଁ ତହସିଲଦାର ଓ କୋଡ଼ିଗାଁ ଥାନାଧିକାରୀ ପହଞ୍ଚି ପରିବାର ଲୋକଙ୍କୁ ବୁଝାସୁଝା କରିବା ପରେ ରାସ୍ତାରୋକ ହଟିଥିଲା । ତହସିଲଦାର ଓ ଥାନାଧିକାରୀଙ୍କ ଉପସ୍ଥିତିରେ ରେଡ଼କ୍ରୋସ ତରଫରୁ ପରିବାରକୁ ସହାୟତା ଏବଂ ଟ୍ରକ ମାଲିକଙ୍କ ଦ୍ଵାରା ମୃତକଙ୍କ ପରିବାରକୁ କ୍ଷତିପୂରଣ ପ୍ରଦାନ କରାଯିବା ନେଇ ସମ୍ମତି ପ୍ରକାଶ କରିଥିଲେ ।
ତେବେ ଘଟଣା ଅନୁସାରେ ବୁଧବାର ସନ୍ଧ୍ୟାରେ ନବରଙ୍ଗପୁର କୋଡ଼ିଙ୍ଗା ଥାନା ଅନ୍ତର୍ଗତ ପାପଡାହାଣ୍ଡିରୁ କୋଶାଗୁମୁଡ଼ା ରାସ୍ତାର ମାଲେକୋଟ ଛକ ନିକଟରେଏକ ସଡକ ଦୁର୍ଘଟଣା ହୋଇଥିଲା l ବାଇକ ଓ ମିନି ଟ୍ରକ ମଧ୍ୟରେ ମୁହାଁ ମୁହିଁ ଧକ୍କା ହେବାଫଳରେ ଘଟଣାସ୍ଥଳରେ ବାଇକ ଚାଳକଙ୍କ ମୃତ୍ୟୁ ହୋଇଥିଲା । ଏହାସହ ବାଇକ୍ ପଛରେ ବସିଥିବା ମୃତକଙ୍କ ସାନ ଭାଇ ଗୁରୁତର ଆହତ ହୋଇଥିଲେ ।
ପରେ ସ୍ଥାନୀୟ ଲୋକେ ଆହତ ବ୍ୟକ୍ତିଙ୍କୁ ନବରଙ୍ଗପୁର ଜିଲ୍ଲା ଚିକିତ୍ସାଳୟରେ ଭର୍ତ୍ତି କରିଥିଲେ l ଏହାସହ ରାସ୍ତା ଉପରେ ମୃତଦେହ ରଖି ରାସ୍ତା ରୋକ କରିଥିଲେ । ପରବର୍ତ୍ତୀ ସମୟରେ ଆପୋଷ ବୁଝାବଣାରେ ଏହାର ସମାଧାନ ହୋଇଥିଲା । ମାତ୍ର ପ୍ରତିଶୃତିରେ ରାଜି ନହେବାରୁ ଗୁରୁବାର ପୁଣି ପରିବାର ତରଫରୁ ରାସ୍ତାରୋକ କରାଯାଇଥିଲା ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
