ନିଖୋଜଙ୍କ ମିଳିଲା ପତ୍ତା, ପୋଖରୀରୁ ମୃତଦେହ ଉଦ୍ଧାର

ଡାବୁଗାଁରେ ଚାଞ୍ଚଲ୍ୟ । ପୋଖରୀରୁ ଉଦ୍ଧାର ହୋଇଛି ଏକ ମୃତଦେହ । ଖବର ପାଇ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।

ନବରଙ୍ଗପୁର: ଡାବୁଗାଁ ବ୍ଲକ ପକନାଗୁଡା ଗାଁରେ ଥିବା ଏକ ପୋଖରୀରୁ ମୃତଦେହ ଉଦ୍ଧାର ହୋଇଛି । ମୃତବ୍ୟକ୍ତି ହେଲେ ସେହି ଗାଁର ସମଦୁ ମାଝୀ । ସେ ବୁଧବାର ଅପରାହ୍ନ ଠାରୁ ନିଖୋଜ ଥିଲେ ।

ଗୁରୁବାର ତାଙ୍କ ମୃତଦେହ ପୋଖରୀରେ ଭାସୁଥିବା ଦେଖିବାକୁ ମିଳିଥିଲା । ଏନେଇ ଗାଁଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବିଭାଗ କର୍ମଚାରୀ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ଡାବୁଗାଁ ମେଡିକାଲ ପଠାଯାଇଛି । ତେବେ କେଉଁ କାରଣରୁ ତାଙ୍କର ମୃତ୍ୟୁ ହେଲା ସେନେଇ ତଦନ୍ତ ଜାରି ରଖିଛି ପୋଲିସ ।

ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ