ବାରିପଦା: ବିପଦସଙ୍କୁଳ ଅବସ୍ଥାରେ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଓ ହସ୍ପିଟାଲ । ଟଏଲେଟ ଭିତରକୁ ରୋଗୀ ଯାଇଥିବା ସମୟରେ ଛାତରୁ ଖସିଲା ପ୍ଲାଷ୍ଟର । ତେବେ ପ୍ଲାଷ୍ଟର ଖଣ୍ଡଟି ରୋଗୀଙ୍କ ଉପରେ ପଡିନଥିବାରୁ ଏକ ବଡ଼ ଅଘଟଣ ଅଳ୍ପକେ ଟଳି ଯାଇଛି । ତୁରନ୍ତ ମରାମତି ପାଇଁ ବିଭିନ୍ନ ମହଲରୁ ଦାବି ହୋଇଛି ।
ମୟୂରଭଞ୍ଜ ଜିଲ୍ଲା ବାରିପଦାସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଓ ହସ୍ପିଟାଲର ଚକ୍ଷୁ ବିଭାଗ ଭିତରେ ଥିବା ଟଏଲେଟ ଛାତରୁ ପ୍ଲାଷ୍ଟର ଖସି ପଡିଛି । ଜଣେ ରୋଗୀ ଟଏଲେଟ ଭିତରକୁ ଯାଇଥିବାବେଳେ, ଏଭଳି ଘଟଣା ଘଟିଥିବା ଜଣାପଡ଼ିଛି । ତେବେ ପ୍ଲାଷ୍ଟର ଖଣ୍ଡଟି ରୋଗୀଙ୍କ ଉପରେ ପଡିନଥିବାରୁ ଏକ ଅଘଟଣ ଅଳ୍ପକେ ଟଳି ଯାଇଛି । ଏହାକୁ ନେଇ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ଓ ହସ୍ପିଟାଲର ଚକ୍ଷୁ ବିଭାଗରେ ଥିବା ରୋଗୀଙ୍କ ମଧ୍ୟରେ ଭୟ ସୃଷ୍ଟି ହୋଇଛି ।