ମାଲକାନଗିରି : ଦୁର୍ଦ୍ଦାନ୍ତ ନକ୍ସଲ ଜି.ଜଳନ୍ଧର ରେଡ୍ଡୀ ଓରଫ କ୍ରିଷ୍ଣାର ଆତ୍ମସମର୍ପଣ । ଆନ୍ଧ୍ର ପୋଲିସ ନିକଟରେ ଆତ୍ମସମର୍ପଣ କରିଛି କ୍ରିଷ୍ଣା । ଦୁର୍ଦ୍ଦାନ୍ତ ନକ୍ସଲକୁ ଧରିବାକୁ 30 ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରାଯାଇଥିଲା । ମାଲକାନଗିରି ସ୍ବାଭିମାନ ଜିଲ୍ଲାରେ ଆତଙ୍କ ଖେଳାଇ ରଖିଥିଲା କ୍ରିଷ୍ଣା । ଜିଲ୍ଲାର ତତ୍କାଳୀନ ଜିଲ୍ଲାପାଳ ଆଇଏଏସ ଭିନିଲ କ୍ରିଷ୍ଣାଙ୍କ ଅପରହରଣ ପଛରେ ମୁଖ୍ୟ କାର୍ପଟଦାର ମଧ୍ୟ ସେ ଥିଲା ।
ଆତ୍ମସମର୍ପଣ କଲା IAS ଭିନିଲ କ୍ରିଷ୍ଣାଙ୍କ ଅପହରଣର ମାଷ୍ଟରମାଇଣ୍ଡ
ଦୀର୍ଘ ବର୍ଷ ଧରି ଆନ୍ଧ୍ର- ଓଡିଶା ବର୍ଡର ଡିଭିଜନରେ କାମ କରୁଥିଲା କ୍ରିଷ୍ଣା । ମାଲକାନଗିରି ପୋଲିସ, ବିଏସଏଫ ଓ ଆନ୍ଧ୍ର ପୋଲିସର ଘନଘନ ଚଢାଉ କରାଯାଇଥିଲା। ଆନ୍ଧ୍ର , ଓଡିଶା ଏବଂ ତେଲେଙ୍ଗାନା ପୋଲିସ ପକ୍ଷରୁ କ୍ରିଷ୍ଣାକୁ ଧରିବାକୁ ଜୋରଦାର ଅପରେସନ ଚଳାଇଥିଲେ । ଏହି ତିନୋଟି ରାଜ୍ୟର ସରକାର କ୍ରିଷ୍ଣାକୁ ଧରିବାକୁ 10 ଲକ୍ଷ ଲେଖାଏଁ ପୁରସ୍କାର ରାଶି ଘୋଷଣା କରିଥିଲେ ।