ସରିଲା ପଲ୍ଲିଶ୍ରୀ ମେଳା
ରାୟଗଡା: ଚଇତି ପର୍ବ ଅବସରରେ ଜିଲ୍ଲାରେ ଚାଲିଥିବା ପଲ୍ଲିଶ୍ରୀ ମେଳା ଶେଷ ହୋଇଯାଇଛି । ୫ଦିନ ଧରି ଚାଲିବା ଏହି ମେଳାରେ 30ଟି ଜିଲ୍ଲର ସ୍ଵୟଂ ସହାୟକ ଗୋଷ୍ଠୀ, ଉତ୍ପାଦକ ଗୋଷ୍ଠୀ ଅଂଶଗ୍ରହଣ କରି ଶେଷ ଦିନରେ 1.14 କୋଟିର ବ୍ୟବସାୟ କରିଛନ୍ତି । ଯାହା ରେକର୍ଡ ସୃଷ୍ଟି କରିଛି । ପାଞ୍ଚ ଦିନରେ ମୋଟ 4 କୋଟି 17 ଲକ୍ଷ 31 ହଜାର ଟଙ୍କାର ବ୍ୟବସାୟ ହୋଇଥିବା ଓରମାସ ପକ୍ଷରୁ ସୂଚନା ଦିଆଯାଇଛି ।
ପଲ୍ଲିଶ୍ରୀ ମେଳାର ପ୍ରଥମ ଦିନରେ 45 ଲକ୍ଷ 62 ହଜାର, ଦ୍ୱିତୀୟ ଦିନରେ 62 ଲକ୍ଷ 54 ହଜାର 860, ତୃତୀୟ ଦିନରେ 96 ଲକ୍ଷ 54 ହଜାର 500, ଚତୁର୍ଥ ଦିନରେ 98 ଲକ୍ଷ 24 ହଜାର 400 ଟଙ୍କାର ବ୍ୟବସାୟ ହୋଇଥିଲା । ମେଳାରେ ସ୍ଵୟଂ ସହାୟକ ଗୋଷ୍ଠୀ ଦ୍ଵାରା ପ୍ରସ୍ତୁତ ଫୁଲଝାଡୁଠାରୁ ଆରମ୍ଭ କରି ହସ୍ତତନ୍ତ , ଖାଦ୍ୟ ସାମଗ୍ରୀ, ପାଟ ଶାଢି, ବାଡି, ପାମ୍ପଡ ଏବଂ ଘର ସାଜଶଯ୍ୟା ସାମଗ୍ରୀର ବେଶ ଚାହିଦା ରହିଥିଲା । ଏହି ସବୁ ଷ୍ଟଲ୍ରେ ପ୍ରବଳ ଜନ ସମାଗମ ହୋଇଥିବା ଦେଖିବାକୁ ମିଳିଥିଲା ।