ଖୋର୍ଦ୍ଧା:ପୁଣି ଖୋର୍ଦ୍ଧା ନଦୀରେ ଭାସିଯାଇ ଜଣେ ନିଖୋଜ ଅଭିଯୋଗ । ଗତ ସପ୍ତାହରେ ବାଣପୁର ମାଣିକପୁର ଗ୍ରାମର ଜନୈକ ବ୍ୟକ୍ତି ଶାଳିଆ ନଦୀରେ ଭାସି ଯାଇ ପ୍ରାଣ ହରାଇଥିବାବେଳେ ଆଜି ଆଉ ଜଣେ ସ୍ଥାନୀୟ ବ୍ୟକ୍ତି ନଦୀରେ ଭାସି ନିଖୋଜ ହୋଇଯାଇଥିବା ଜଣାପଡିଛି । ନିଖୋଜ ଜଣଙ୍କ ବେଗୁନିଆପଡା ବ୍ଲକ ଅନ୍ତର୍ଗତ ସୋରଡ଼ାପଲି ଗ୍ରାମର 50 ବର୍ଷୀୟ ବାଉରିଆ ଶବର ବୋଲି ସୂଚନା ରହିଛି ।
ଖୋର୍ଦ୍ଧାରେ ଅଘଟଣ, ନଦୀପାର ବେଳେ ଭାସିଯାଇ ଜଣେ ନିଖୋଜ
ମିଳିଥିବା ସୂଚନା ଅନୁସାରେ, ଆଜି ସକାଳେ ବାଉରିଆ ଶବର ନିଜର ଦୁଇ ସହଯୋଗୀଙ୍କ ସହ ଏକ ବାଇକ ଯୋଗେ ନିଜ ସମ୍ପର୍କୀୟଙ୍କ ଘର ଦାମିଆ ବରବରା ପଞ୍ଚାୟତ ଅନ୍ତର୍ଗତ କୋଷରଡ଼ା ଗ୍ରାମକୁ ଯାଇଥିଲେ l ତେବେ ଉକ୍ତ ଗ୍ରାମକୁ ଯିବାକୁ ହେଲେ ନଦୀରେ ପହଁରି ଅନ୍ୟ ପାର୍ଶ୍ବକୁ ଯିବାକୁ ପଡିଥାଏ ।