ଭୁବନେଶ୍ବର: ମଦ ଦୁର୍ନୀତି ମାମଲାରେ ବିଜେଡି ସରକାରଙ୍କ ନିରବତାକୁ ନେଇ ପ୍ରଶ୍ନ ଉଠାଇଲା ରାଜ୍ୟ ବିଜେପି । ଗୃହ ବିଭାଗ ମୁଖ୍ୟମନ୍ତ୍ରୀ ହାତରେ ଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏ ପ୍ରସଙ୍ଗରେ କାହିଁକି ମୁହଁ ଖୋଲୁନାହାନ୍ତି ସେନେଇ ସାମ୍ବାଦିକ ସମ୍ମିଳନୀ କରି ପ୍ରଶ୍ନ ଉଠାଇଛି ରାଜ୍ୟ ବିଜେପି ।
ରାଜ୍ଯରେ ମଦ ଦୁର୍ନୀତିକୁ ନେଇ ବିଜେପି ପକ୍ଷରୁ ସାମ୍ବାଦିକ ସମ୍ମିଳନୀ କରାଯାଇଛି । ରାଜ୍ୟ ସରକାରଙ୍କ ନୀରବତା ବହୁ ପ୍ରଶ୍ନବାଚୀ ସୃଷ୍ଟି କରୁଛି ବୋଲି ବିଜେପି କହିଛି । ରାଜ୍ଯରେ ଏତେ ବଡ଼ ଦୁର୍ନୀତି ହୋଇଗଲା, କିନ୍ତୁ ମୁଖ୍ୟମନ୍ତ୍ରୀଙ୍କ ପକ୍ଷରୁ କୌଣସି ପ୍ରକାରର ପ୍ରତିକ୍ରିୟା ମିଳିପାରିଲା ନାହିଁ । ତେବେ ଏନେଇ ବିଜେପି କହିଛି କି, ’’ଯେହେତୁ ଗୃହ ବିଭାଗ ତାଙ୍କ ଅଧିନରେ ରହିଛି, ଏନେଇ ତାଙ୍କ ମନ୍ତବ୍ୟ ମଧ୍ୟ ସେତିକି ଆବଶ୍ୟକ ରହିଛି । ଏ ଖବର ରାଜ୍ୟରୁ ବାହାରେ ବ୍ୟାପିଲାଣି । ମଦ ବ୍ୟବସାୟରେ ରାଜ୍ୟ ସରକାରଙ୍କର ଲିଙ୍କ ଥିବା କଥା ବାରମ୍ବାର ଉଠୁଥିବା ବେଳେ ରାଜ୍ୟ ମୁଖ୍ୟଙ୍କ ଚୁପ ରହିବା କଥାକୁ ପ୍ରମାଣିତ କରୁଛି । ସରକାର ଏବଂ ମୁଖ୍ୟମନ୍ତ୍ରୀ ଉତ୍ତରଦାୟୀ । ’’
ଏହା ମଧ୍ୟ ପଢ଼ନ୍ତୁ....ମଦ ଟଙ୍କା ଜବତ ଘଟଣା: ଗଞ୍ଜାମରେ ବିଜେଡି ସରକାର ବିରୋଧରେ ଗର୍ଜିଲା ବିଜେପି