କେନ୍ଦ୍ରାପଡା:କେନ୍ଦ୍ରାପଡାରେ 30ରୁ ଉର୍ଦ୍ଧ୍ବ ପରିବାର ପାଣି ଘେରରେ । ଜଳ ନିଷ୍କାସନ ପଥ ଅବରୋଧ ଯୋଗୁଁ ଶତାଧିକ ପରିବାର ହନ୍ତସନ୍ତ । କେଉଁଠି ଘର ଭିତରେ ପାଣି ପଶିଛି ତ ଆଉ କେଉଁଠି କଚ୍ଚା ଘର ଭୁଶୁଡି ଗଲାଣି । ଦୀର୍ଘ ଏକ ସପ୍ତାହ ଧରି ବର୍ଷା ଲାଗି ରହିବା ଫଳରେ କେନ୍ଦ୍ରାପଡା ଜିଲ୍ଲା ଆଳି ବ୍ଲକ ପଦନପୁର ବସ୍ତିର ଶତାଧିକ ପରିବାର ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।
ଦାଉ ସାଧୁଛି ବର୍ଷା, କେନ୍ଦ୍ରାପଡାରେ 30ରୁ ଉର୍ଦ୍ଧ୍ବ ପରିବାର ପାଣି ଘେରରେ
ପଦନପୁର ବସ୍ତିର ଚାରିଆଡେ ବର୍ଷା ପାଣି ଜମି ରହିଛି। ଘରଭିତରୁ ବାହାର ଯାଏ ବର୍ଷା ପାଣି ଲହଡି ଭାଙ୍ଗୁଛି। ବସ୍ତିର ୩୦ରୁ ଉର୍ଦ୍ଧ୍ବ ପରିବାର ଘରଛାଡି ଏବେ ଅନ୍ୟ ଘରେ ଆଶ୍ରୟ ନେଉଛନ୍ତି । ପ୍ରତିବର୍ଷ ବର୍ଷାଋତୁ ଆସିଲେ ଏହି ବସ୍ତିବାସିନ୍ଦା ମାସମାସ ଧରି ଜଳଘେରରେ ରହି ସମସ୍ୟା ଭୋଗୁଥିବା କହିଛନ୍ତି ।