ଭବାନୀପାଟଣା:ଜଙ୍ଗଲ ଜମିକୁ ଫସଲ ବୀମା ଯୋଜନାରେ ଅନ୍ତର୍ଭୁକ୍ତ କରାଯାଉ । ଏହାସହ ଚାଷୀଙ୍କୁ ଏଥିରେ ସାମିଲ କରି ସେମାନଙ୍କୁ ଫସଲ ବୀମା ଯୋଗାଇ ଦିଆଯାଉ । ଏଭଳି ନାନା ନାରାବାଜି ଦେଇ ଆଜି ରାଜରାସ୍ତାକୁ ଓହ୍ଲାଇଛନ୍ତି ଶତାଧିକ ଚାଷୀ । ଏପରି ଦୃଶ୍ୟ ଦେଖିବାକୁ ମିଳିଛି କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକରେ । ଏଠାରେ ଅନେକ ଚାଷୀଙ୍କୁ ସରକାରଙ୍କ ପକ୍ଷରୁ ଜଙ୍ଗଲ ଜମି ପଟ୍ଟା ଯୋଗାଇ ଦିଆଯାଇଛି ।
ଚାଷୀମାନେ ମଧ୍ୟ ସେହି ଜମିରେ ଚାଷ କରି ପରିବାର ପ୍ରତିପୋଷଣ କରୁଥିଲେ । କିନ୍ତୁ ଉକ୍ତ ଜଙ୍ଗଲ ଜମିକୁ ସରକାର ଫସଲ ବୀମା ଯୋଜନାରେ ସାମିଲ କରିନାହାନ୍ତି । ଯାହାପାଇଁ ଅନେକ କ୍ଷତି ସହୁଛନ୍ତି ଶତାଧିକ ଚାଷୀ । ଏପରିକି ଚାଷ ପାଇଁ ବୀମା କରି ପାରୁନାହାଁନ୍ତି ଚାଷୀ । ଏନେଇ ଆଜି ଶତାଧିକ ଚାଷୀ ସାମିଲ ହୋଇ ଧର୍ମଗଡ଼ ନୂଆପଡା କଦଳୀମୁଣ୍ଡା ଠାରେ ରାସ୍ତା ଅବରୋଧ କରିବା ସହ ଧାରଣା ଜାରି ରଖିଛନ୍ତି ।