ବୌଦ୍ଧ:ଭୋକର ବିକଳ ଚିତ୍ର, ଆଠବର୍ଷର ନାବାଳିକା ପିଠିରେ ପରିବାରର ବୋଝ, ଏହି ଶୀର୍ଷକ ଖବର ଇଟିଭି ଭାରତରେ ପ୍ରସାରଣ ପରେ ବିଭିନ୍ନ ମହଲରୁ ଦୁଃଖ ପ୍ରକାଶ ସହ ସହାୟତାର ହାତ ବଢିଛି । ଖୋଦ ବିଡିଓ ଏହି ଅସହାୟ ପରିବାର ନିକଟରେ ପହଞ୍ଚି ଅନ୍ୟାଦେଶ ପର୍ଯ୍ୟନ୍ତ ରନ୍ଧା ଖାଦ୍ୟ ଯୋଗାଣ ପାଇଁ ନିର୍ଦ୍ଦେଶ ଦେଇଛନ୍ତି ।
ଇଟିଭି ଭାରତ ପ୍ରଭାବ: ଆଠବର୍ଷ ଝିଅ ପାଖରେ ପହଞ୍ଚିଲା ପ୍ରଶାସନ
‘ଇଟିଭି ଭାରତ’ରେ ଖବର ପ୍ରସାରଣ ପରେ ଅସହାୟ ପରିବାର ନିକଟରେ ପହଞ୍ଚିଲା ପ୍ରଶାସନ । ବୌଦ୍ଧ ଜିଲ୍ଲା ରାଧାନଗର ପଞ୍ଚାୟତ କାର୍ଯ୍ୟାଳୟ ନିକଟରେ ଏକ ପରିତ୍ୟକ୍ତ ଘରେ ଜଣେ ଆଠ ବର୍ଷର ନାବାଳିକା ପରିବାରର ବୋଝ ମୁଣ୍ଡାଇଥିବା ସମ୍ପର୍କିତ ଖବର ‘ଇଟିଭି ଭାରତ’ରେ ପ୍ରସାରିତ ହୋଇଥିଲା । ନାବାଳିକାଙ୍କ ପିତା ଦୁର୍ଘଟଣାରେ ପୀଡିତ ହୋଇ ପଡି ରହିଥିବା ବେଳେ ମା’ଙ୍କ ମାନସିକ ସ୍ଥିତି ଠିକ ନାହିଁ । ଫଳରେ କୁନି ଝିଅଟି ପଢିବା ଖେଳିବା ବୟସରେ ନିଜ ସାନ ଦୁଇ ଭାଇ ଓ ବାପା ମା'ଙ୍କ ସେବା ସହିତ ରୋଷେଇବାସ କାର୍ଯ୍ୟ ମଧ୍ୟ ତୁଲାଉଛି ।