duplicate zarda seized
ଭଦ୍ରକ :ଦିନକୁ ଦିନ ନକଲି ଜର୍ଦ୍ଦା ବେପାରର ହବ୍ ପାଲଟିଛି ଭଦ୍ରକ ସହର । ଜିଲ୍ଲାର ପୁରୁଣା ବଜାର ଥାନା ଅନ୍ତର୍ଗତ ହେଲାସାହି ଅଞ୍ଚଳରୁ ବିପୁଳ ପରିମାଣର ନକଲି ଜର୍ଦ୍ଦା ଜବତ କରିଛି ପୋଲିସ। ହେଲେ ଏହି ନକଲି ଜର୍ଦ୍ଦା କାରବାରର ମୁଖ୍ୟ ଅଭିଯୁକ୍ତ ଘଟଣାସ୍ଥଳରୁ ଖସି ପଳାଇଥିବା ସୂଚନା ମିଳିଛି ।
ସୂଚନା ଅନୁଯାୟୀ, ଏହି ଅଞ୍ଚଳରେ ନକଲି ଜର୍ଦ୍ଦା ପ୍ରସ୍ତୁତ ହୋଇ ବିଭିନ୍ନ ସ୍ଥାନକୁ ଚାଲାଣ ହେଉଥିବା ନେଇ ପୋଲିସ ବିଭିନ୍ନ ସମୟରେ ଅଭିଯୋଗ ପାଉଥିଲା । ଯାହାକୁ ଏକାଧିକ ଥର ଧରିବା ପାଇଁ ପୋଲିସ ପକ୍ଷରୁ ଉଦ୍ୟମ ହୋଇଥିଲେ ମଧ୍ୟ କୌଣସି ସୁଫଳ ମିଳିପାରୁ ନଥିଲା । ହେଲେ ଗତକାଲି ପୁରୁଣା ବଜାର ପୋଲିସ କୌଣସି ସୂତ୍ରରୁ ଖବର ପାଇ ହେଲାସାହି ଅଞ୍ଚଳର ଏହି ନକଲି ଜର୍ଦ୍ଦା ପ୍ରସ୍ତୁତକାରୀ ମାଷ୍ଟର ମାଇଣ୍ଡ ସେଖ୍ ମୋବାରକ ଏବଂ ସେଖ୍ ବାବୁଙ୍କ ଘର ଉପରେ ଚଢ଼ାଉ କରିଥିଲା । ଏହି ଚଢ଼ାଉ ସମୟରେ ବିଭିନ୍ନ କମ୍ପାନୀର ନକଲି ଜର୍ଦ୍ଦା ବୋଝେଇ ହୋଇ ଚାଲାଣ ହେବାକୁ ଥିବା ଏକ ଅଟୋ (OD22G-2659)କୁ ପୋଲିସ ଜବତ କରିଥିଲା ।