ବିପଦ ସଙ୍କେତ ଉପରେ ଜଳକା ନଦୀ, ଚିନ୍ତିତ ଉପକୂଳବାସୀ

ଲଘୁଚାପ ଯୋଗୁଁ ରାଜ୍ୟରେ ଜାରି ରହିଛି ବର୍ଷା । ବାଲେଶ୍ବର ଜିଲ୍ଲା ମଥାନି ଠାରେ ଜଳକା ନଦୀର ଜଳ ବିପଦ ସଙ୍କେତ ଉପରେ ପ୍ରବାହିତ ହେଉଥିବା ଦେଖିବାକୁ ମିଳିଛି ।

ବାଲେଶ୍ବର: ବଙ୍ଗୋପସାଗରରେ ଘୂର୍ଣ୍ଣବଳୟ ସୃଷ୍ଟି ହେବା ପରେ ଛତିଶଗଡ଼ ମୁହାଁ ହୋଇଛି ଲଘୁଚାପ । ତଥାପି ରାଜ୍ୟରେ ଆସନ୍ତା 12 ଘଣ୍ଟା ଆହୁରି ବର୍ଷିବ । ସେପଟେ ଲଘୁଚାପ ଯୋଗୁଁ ରାଜ୍ୟର ଅଧିକାଂଶ ଅଞ୍ଚଳରେ ଜାରି ରହିଛି ଲଗାଣ ବର୍ଷା । ଲଗାଣ ବର୍ଷା ପରେ ପ୍ରମୁଖ ନଈରେ ଜଳସ୍ତର ବଢ଼ିବାରେ ଲାଗିଛି । ପ୍ରବଳ ବର୍ଷା ଯୋଗୁଁ ବାଲେଶ୍ବର ଜିଲ୍ଲା ଜଳକା ନଦୀର ଜଳସ୍ତର ବିପଦ ସଂକେତ ଟପିଛି ।

ରବିବାର ଲଗାଣ ବର୍ଷା ଯୋଗୁଁ ଜଳକାରେ ବନ୍ୟା ଆଶଙ୍କା କରାଯାଉଛି । ମଥାନି ଠାରେ ଜଳକା ନଦୀର ଜଳ ବିପଦ ସଙ୍କେତ ଉପରେ ପ୍ରବାହିତ ହେଉଥିବା ଦେଖିବାକୁ ମିଳିଛି । ଜଳକାରେ ବିପଦ ସଂକେତ 5.50 ଥିବାବେଳେ ସୋମବାର ସକାଳ 10ଟା ସୁଦ୍ଧା 6.48 ଉପରେ ଜଳ ପ୍ରବାହିତ ହେଉଛି । ଯାହାକୁ ନେଇ ଉପକୂଳବାସୀ ଚିନ୍ତାରେ ପଡିଛନ୍ତି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ