ବଲାଙ୍ଗୀର:ଶିକ୍ଷୟିତ୍ରୀ ମମିତା ମେହେର ହତ୍ୟାକାଣ୍ଡ ଘଟଣାର ତାତି ଥମିବାର ନା ନେଉ ନାହିଁ । ଏହି ହତ୍ୟାକାଣ୍ଡରେ ବଡ଼ବଡ଼ିଆ ନେତାଙ୍କ ସଂପୃକ୍ତିକୁ ନେଇ ତୁମ୍ବି ତୋଫାନ ଚାଲିଛି । SUCI କମ୍ୟୁନିଷ୍ଟ ପାର୍ଟି ମଧ୍ୟ ସାମିଲ ହୋଇ ଗୁରୁବାର ବଲାଙ୍ଗୀର ବନ୍ଦ କରିଛି ।
ଶିକ୍ଷୟତ୍ରୀ ମମିତା ମେହେରଙ୍କୁ ନ୍ୟାୟ ଦାବି, SUCIର 12 ଘଣ୍ଟିଆ ବଲାଙ୍ଗୀର ବନ୍ଦ ପାଳନ
ସଂଗଠନ ପକ୍ଷରୁ ଆଜି(ଗୁରୁବାର) 12 ଘଣ୍ଟିଆ ଜିଲ୍ଲା ବନ୍ଦ କରାଯାଇଛି । ଯେଉଁଥିରେ ସଂଗଠନର କର୍ମୀମାନେ ପିକେଟିଂ କରି ଦୋକାନ ବଜାର ସବୁ ବନ୍ଦ କରିଛନ୍ତି । ବନ୍ଦକୁ ବଲାଙ୍ଗୀରବାସୀ ପୂର୍ଣ୍ଣ ସମର୍ଥନ କରିଥିବା ସହ ମମିତା ମେହେରଙ୍କୁ ନ୍ୟାୟ ଦେବାରେ ଜିଲ୍ଲାବାସୀ ଏକ ହୋଇଛନ୍ତି ବୋଲି ସଂଗଠନ ପକ୍ଷରୁ କୁହାଯାଇଛି ।