ବଲାଙ୍ଗୀର/ରାଉରକେଲା : ପୃଥକ ପୃଥକ ସ୍ଥାନରେ ବଜ୍ରାଘାତରେ ଦୁଇ ଜଣଙ୍କ ମୃତ୍ୟୁ ଘଟିଛି । ବଲାଙ୍ଗୀରରେ ସହରରେ ବଜ୍ରାଘାତରେ ଜଣେ ଯୁବକର ମୃତ ହୋଇଛି ଓ ଅନ୍ୟ ଦୁଇ ଜଣ ଗୁରୁତର ଆହତ ହୋଇଛନ୍ତି । ସେହିଭଳି ରାଉରକେଲାର ବିଶ୍ରା ଥାନା ଅଞ୍ଚଳରେ ନବମ ଶ୍ରେଣୀ ଛାତ୍ରର ବଜ୍ରାଘାତରେ ମୃତ୍ୟୁ ଘଟିଛି । ଅନ୍ୟ ଦୁଇ ଜଣ ଗୁରୁତର ଆହତ ହୋଇଛନ୍ତି ।
ଭିଡିଓ ସୌଜନ୍ୟ : ସମ୍ବାଦଦାତା,ବଲାଙ୍ଗୀର
ବର୍ଷା ଯୋଗୁଁ ବଲାଙ୍ଗୀର ସହର ମାଳପୋଡା ମଦନ ଗୁଡିଆ ବଗିଚା ନିକଟରେ ତିନିଜଣ ଯୁବକ ଗଛ ତଳେ ଅଶ୍ରୟ ନେଇଥିଲେ । ହଠାତ ବଜ୍ରାଘାତ ହେବାରୁ ମାଲପୋଡାର ୧୯ ବର୍ଷୀୟ ଶିବାଶିଷ ଦାସ ଓରଫ ବିଟୁନର ଘଟଣା ସ୍ଥଳରେ ମୃତ୍ୟୁ ଘଟିଛି । ଅନ୍ୟ ଦୁଇଜଣ ଯୁବକ ଅଲି ଖାନ ଏବଂ ସମ୍ବିତ ଡାଙ୍ଗ ଗୁରୁତର ହୋଇଛନ୍ତି । ଗୁରୁତର ମାନଙ୍କୁ ବଲାଙ୍ଗୀର ଭୀମଭୋଇ ମେଡିକାଲ କଲେଜରେ ଭର୍ତ୍ତି କରାଯାଇଛି ।