ଅନୁଗୋଳ: ଷ୍ଟିଲ ଉତ୍ପାଦନରେ ଆଗକୁ ବଢୁଛି ଭାରତ । ଦେଶରେ ବର୍ତ୍ତମାନ ୧୨୦ ମିଲିଅନ ଟନ ଇସ୍ପାତ ଉତ୍ପାଦନ ହେଉଛି । ସେଥିମଧ୍ୟରୁ କେବଳ ଜିନ୍ଦଲ କାରଖାନାରେ ୯ ମିଲିଅନ ଟନ ଉତ୍ପାଦନ ହେଉଛି । ଆସନ୍ତା ୨୦୨୫ ସୁଦ୍ଧା ଜିନ୍ଦଲ ୨୫ମିଲିଅନ ଟନ ଇସ୍ପାତ ଉତ୍ପାଦନ କରିବାକୁ ଲକ୍ଷ୍ୟ ରଖିଥିବା କହିଛନ୍ତି କେନ୍ଦ୍ର ଇସ୍ପାତ ମନ୍ତ୍ରୀ ତଥା ଜିନ୍ଦଲ ଗ୍ରୁପର ଚେୟାରମ୍ୟାନ ।
ଷ୍ଟିଲ ଉତ୍ପାଦନରେ ଆତ୍ମନିର୍ଭରଶୀଳ ହେଉଛି ଦେଶ, ଜେଏସପିଏଲର ରହୁଛି ବୃହତ ଭାଗିଦାରୀ
ଗୁରୁବାର ସନ୍ଧ୍ୟାରେ କେନ୍ଦ୍ର ଇସ୍ପାତ ମନ୍ତ୍ରୀ ରାମଚନ୍ଦ୍ର ପ୍ରସାଦ ସିଂ ଅନୁଗୋଳ ସ୍ଥିତ ଜିନ୍ଦଲ ଷ୍ଟିଲ ଆଣ୍ଡ ପାୱାର ପ୍ଲାଣ୍ଟର ୧.୪ମିଲିଅନ ଟନ ଉତ୍ପାଦନ କ୍ଷମତା ବିଶିଷ୍ଟ ଅତ୍ୟାଧୁନିକ ରିବାର ପ୍ଲାଣ୍ଟକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପଣ କରିଥିଲେ । ଅପରାହ୍ନରେ ମନ୍ତ୍ରୀ କାରଖାନାରେ ପହଞ୍ଚି ପରିଦର୍ଶନ କରିଥିଲେ। ଏହାପରେ ସମର୍ପଣ ଉତ୍ସବରେ ଯୋଗଦେଇ ବଟନ ଦବାଇ ନୂତନ ପ୍ଲାଣ୍ଟର ଶୁଭାରମ୍ଭ କରିଥିଲେ ।