ସିଡିଏମଓଙ୍କ କାର୍ଯ୍ୟାଳୟ ସମ୍ମୁଖରେ ଅଙ୍ଗନୱାଡି କର୍ମୀ ଓ ସହାୟିକାଙ୍କ ଧାରଣା

11 ଦଫା ଦାବି ନଇ ସିଡିପିଓଙ୍କ କାର୍ଯ୍ୟାଳୟ ସମ୍ମୁଖରେ ଅନିର୍ଦ୍ଧିଷ୍ଟକାଳ ପାଇଁ ଗଣଧାରଣାରେ ବସିଛନ୍ତି ଅଙ୍ଗନବାଡି କର୍ମୀ ଓ ସହାୟିକା ।

ଅନୁଗୋଳ: ତାତିଲେ ଅଙ୍ଗନବାଡି କର୍ମୀ ଓ ସହାୟିକା । 11 ଦଫା ଦାବି ନେଇ ଅନିର୍ଦ୍ଧିଷ୍ଟକାଳ ପାଇଁ ସିଡିପିଓଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣାରେ ବସିଛନ୍ତି ଅଙ୍ଗନବାଡି କର୍ମୀ ଓ ସହାୟିକା । ମୁଖ୍ୟତଃ ସୁପରଭାଇଜର ଓ ସିଡିପିଓଙ୍କ ବଦଳି ଦାବି ନେଇ ଏହି ଆନ୍ଦୋଳନ ହୋଇଥିବା ଜଣାପଡିଛି ।

ଅନୁଗୋଳ ତାଳଚେରର ଆଇ.ସି.ଡି.ଏସ ପ୍ରୋଜେକ୍ଟରେ କାର୍ଯ୍ୟରତ ୩ ବର୍ଷରୁ ଉର୍ଦ୍ଧ୍ବ ସୁପରଭାଇଜରମାନଙ୍କୁ ଅନ୍ୟତ୍ର ବଦଳି ଏବଂ ତାଳଚେର ସିଡିପିଓଙ୍କ ବଦଳି ଦାବି ନେଇ ସୋମବାର ନିଖିଳ ଓଡ଼ିଶା ଅଙ୍ଗନୱାଡି କର୍ମୀ ସଂଘ ଆନ୍ଦୋଳନ କରିଛନ୍ତି । ତାଳଚେର ଶାଖା ନେତୃତ୍ବରେ ସମସ୍ତ କାର୍ଯ୍ୟରତ ଅଙ୍ଗନୱାଡି କର୍ମୀ ଏବଂ ସହାୟିକାମାନେ ସିଡିପିଓଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା ବସିଛନ୍ତି ।

ଦୀର୍ଘ ଦିନ ହେବ ବ୍ଲକ ପ୍ରଶାସନ ଏବେସୁଦ୍ଧା ସମସ୍ତ ଦାବି ଗୁଡିକୁ ତଦନ୍ତ ପରିସରରେ ରଖିଛି । ସେହିପରି ତାଳଚେର ସିଡିପିଓ କର୍ମୀ ଏବଂ ସହାୟିକାମାନଙ୍କୁ ଗୋତି ଶ୍ରମିକ ଭାବରେ ଖଟାଉ ଥିବା ଏବଂ ଏହାକୁ ଅଭିଯୋଗ କଲେ ଆକ୍ରୋଶମୂଳକ ପଦକ୍ଷେପ ନିଆଯାଉଛି ବୋଲି ସଂଘ ଅଭିଯୋଗ କରିଛି । ଦାବି ପୂରଣ ନହେବା ପର୍ଯ୍ୟନ୍ତ ଧାରଣା ଜାରି ରହିବ ବୋଲି ସଂଘ ପକ୍ଷରୁ କାହାଯାଇଛି l

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ