ନୂଆଦିଲ୍ଲୀ: କେନ୍ଦ୍ର କ୍ରୀଡାମନ୍ତ୍ରୀ କିରଣ ରିଜିଜୁଙ୍କ ହସ୍ତକ୍ଷେପ ପରେ ଭାରତୀୟ ଟେନିସ ଷ୍ଟାର ସାନିଆ ମୀର୍ଜା, ପୁଅ ଓ ଭଉଣୀଙ୍କୁ ମିଳିଲା ୟୁକେ ଗସ୍ତ ପାଇଁ ଭିସା । ଏହାପରେ ସାନିଆ, ଗୁରୁବାର କ୍ରୀଡାମନ୍ତ୍ରୀ କିରଣ ରିଜିଜୁ ଓ ସ୍ପୋଟ୍ସ ଅଥରିଟି ଅଫ ଇଣ୍ଡିଆକୁ ଧନ୍ୟବାଦ ଜଣାଇଛନ୍ତି । ଅଲମ୍ପିକ ପ୍ରସ୍ତୁତି ଟୁର୍ଣ୍ଣାମେଣ୍ଟରେ ଭାଗ ନେବା ପାଇଁ ସାନିଆ ପୁଅ ଓ ଭଉଣୀ ସହ ଇଂଲଣ୍ଡ ଗସ୍ତ କରିବେ ।
କ୍ରୀଡାମନ୍ତ୍ରଣାଳୟ ଏହି ମାମଲାରେ ହସ୍ତକ୍ଷେପ କରିବା ସହ ବୈଦେଶିକ ମନ୍ତ୍ରଣାଳୟକୁ ତୁରନ୍ତ ସମାଧାନ ପାଇଁ କହିଥିଲା । ସ୍ପୋର୍ଟ୍ସ ଅଥରିଟି ଅଫ ଇଣ୍ଡିଆ ମଙ୍ଗଳବାର ସାନିଆଙ୍କ ପୁଅ ଓ ଭଉଣୀଙ୍କୁ ଭିସା ଅନୁମୋଦନ ମିଳିଥିବା ଘୋଷଣା କରିଥିଲା ।