ଭୁବନେଶ୍ବର:ଆୟର୍ଲାଣ୍ଡ ଡବଲିନରେ ଚାଲିଥିବା ଚତୁର୍ଥ ପାରା ବ୍ୟାଡମିଣ୍ଟନ ଇଣ୍ଟରନ୍ୟାସନାଲ ୨୦୨୨ରେ ଓଡିଆ ତାରକା ପ୍ରମୋଦ ଭଗତ ରୌପ୍ୟ ପଦକ ହାସଲ କରିଛନ୍ତି । ପାରାଲିମ୍ପିକ୍ସ ସ୍ବର୍ଣ୍ଣ ବିଜେତା ପ୍ରମୋଦ ଭଗତ ଆୟର୍ଲାଣ୍ଡ ପାରା ବ୍ୟାଡମିଣ୍ଟନ ଏସଏଲ-୩ ସିଙ୍ଗଲ୍ସ ଫାଇନାଲ ମୁକାବିଲାରେ ଇଂଲଣ୍ଡର ଡାନିଏଲ ବେଥେଲଙ୍କ ନିକଟରୁ ହାରି ରୌପ୍ୟ ଜିତିଛନ୍ତି । ଡାନିଏଲ ବେଥେଲଙ୍କଠୁ ୧୭-୨୧, ୯-୨୧ରେ ପରାସ୍ତ ହୋଇଥିଲେ ପ୍ରମୋଦ ।
ଫାଇନାଲ ମୁକାବିଲାରେ ବେଥଲ ଆଧିପତ୍ୟ ବିସ୍ତାର କରି ସ୍ବର୍ଣ୍ଣ ଜିତିବାରେ ସଫଳ ହୋଇଥିଲେ । ଶନିବାର ଏସଏଲ-୩ ସିଙ୍ଗଲ୍ସ ସେମି ଫାଇନାଲରେ ପ୍ରମୋଦ ୨୧-୨୫, ୨୧-୧୫ରେ ଜାପାନର ଡାଇସୁକ ଫୁଜିହାରାଙ୍କୁ ପରାସ୍ତ କରିଥିଲେ । ଗ୍ରୁପ ପର୍ଯ୍ୟାୟରେ ଜାପାନିଜ ଖେଳାଳିଙ୍କ ବିପକ୍ଷରେ ଭଗତଙ୍କୁ ୩ ଗେମ ବିଶିଷ୍ଟ ମ୍ୟାଚ୍ରେ ହରାଇବାକୁ ପଡିଥିଲା ।
ଅନ୍ୟ ଓଡିଆ ଖେଳାଳିଭାବେ ଦୀପରଞ୍ଜନ ବିଷୋୟୀ ଏସଏଲ-୪ ସିଙ୍ଗଲ୍ସ ସେମି ଫାଇନାଲରେ ହାରି ବ୍ରୋଞ୍ଚରେ ସନ୍ତୁଷ୍ଟ ହୋଇଛନ୍ତି । ସେମି ମୁକାବିଲାଲେ ସେ ଫ୍ରାନ୍ସର ଲୁକାସ ମଜୁରଙ୍କ ନିକଟରୁ ୨୧-୧୧, ୨୧-୭ ସେଟ୍ରେ ପରାସ୍ତ ହୋଇଥିଲେ ।