ଭୁବନେଶ୍ବର: 'ମହାପ୍ରଭୁ ଜଗନ୍ନାଥଙ୍କ ବାହୁଡ଼ାଯାତ୍ରାର ପବିତ୍ର ଦିବସରେ ହେବାକୁ ଯାଉଛି ଓଡ଼ିଶା ଏଫ୍.ସିର ନୂତନ ସୂର୍ଯ୍ୟୋଦୟ । ଆଉ ମାତ୍ର କିଛି ସମୟର ଅପେକ୍ଷା ।' ଟ୍ବିଟ ଯୋଗେଁ ଏହା ଥିଲା ଓଡିଶା ଏଫସିର ଘୋଷଣା । ତେବେ ପରେ ଏହାର ଖୁଲାସା ହୋଇଛି । ପବିତ୍ର ବାହୁଡା ଦଶମୀରେ ଭୁବନେଶ୍ବର ସ୍ଥିତ କ୍ଲବ ଓଡିଶା ଏଫସି ନୂଆ ପ୍ରଶିକ୍ଷକ ନିଯୁକ୍ତ କରିଛି । ଇଣ୍ଡିଆନ ସୁପର ଲିଗ(ISL)ର ଆଗାମୀ ଅଷ୍ଟମ ସଂସ୍କରଣ ପୂର୍ବରୁ କିକୋ ରାମିରେଜ ଗୋଞ୍ଜାଲେଞ୍ଜଙ୍କୁ ମୁଖ୍ୟ କୋଚ୍ ନିଯୁକ୍ତ କରିଛି । ୫୧ ବର୍ଷୀୟ ସ୍ପାନିସ କୋଚ୍ ଗୋଟିଏ ବର୍ଷ ପାଇଁ ଓଡିଶା ଏଫସି କ୍ଲବ ସହ ଚୁକ୍ତି କରିଛନ୍ତି ।
ପେଷାଦାର ଫୁଟବଲ କ୍ୟାରିୟରକୁ ସନ୍ୟାସ ନେବାପରେ ରାମିରେଜ ବର୍ଷ ୨୦୦୨ରେ ସ୍ପାନିସ କ୍ଳବ ଜିମନାଷ୍ଟିକର ସହକାରୀ କୋଚ୍ ଭାବେ କୋଚିଂ କ୍ୟାରିୟର ଆରମ୍ଭ କରିଥିଲେ । ପରେ ୨୦୧୦ରେ ଏହାର ଯୁବ କୋଚ୍ ହୋଇଥିଲେ । CE L'Hospitalet, CD Castellon, ଓ CE Sabadell ଭଳି ସ୍ପାନିସ ଫୁଟବଲ କ୍ଳବର କୋଚ୍ ଭାବେ ମଧ୍ୟ କାର୍ଯ୍ୟ କରିଛନ୍ତି ।