ହାଇଦ୍ରାବାଦ:ବିଶ୍ବକପରେ ଭାରତର ବିଜୟ ଧାରା ସାଙ୍ଗକୁ ଖେଳାଳିଙ୍କ ଜବରଦସ୍ତ ପ୍ରଦର୍ଶନ ଜାରି ରହିଛି । ଲିଗ ମ୍ୟାଚରେ କ୍ରମାଗତ 8ଟି ମ୍ୟାଚରେ ବିଜୟୀ ହୋଇ ପ୍ରଥମ ଦଳ ଭାବେ ସେମିଫାଇନାଲରେ ପ୍ରବେଶ କରିଛି ଟିମ୍ ଇଣ୍ଡିଆ । ବିସିସିଆଇ ଚୟନ କମିଟିର ପୂର୍ବତନ ସଦସ୍ୟ ସଞ୍ଜୟ ଜଗଦଲେ ମେନ୍ ଇନ୍ ବ୍ଲୁ'ର ପ୍ରଦର୍ଶନକୁ ବେଶ ପ୍ରଶଂସା କରିଛନ୍ତି । ଏଥିସହ ରୋହିତ ଶର୍ମାଙ୍କ ବ୍ୟାଟିଂଙ୍କୁ ମଧ୍ୟ ଭୁରି ଭୁରି ପ୍ରଶଂସା କରିଛନ୍ତି । ଭାରତୀୟ ଅଧିନାୟକ ରୋହିତ ଶର୍ମା ବିଶ୍ବକପରେ ଜବରଦସ୍ତ ବ୍ୟାଟିଂ କରୁଛନ୍ତି । ସେ ଏବେ ସମସ୍ତଙ୍କ ପାଇଁ ଉଦାହରଣ ପାଲଟିଥିବା କହିଛନ୍ତି ସଞ୍ଚୟ । ଏଥିସହ ରବୀନ୍ଦ୍ର ଜାଡେଜାଙ୍କୁ ଜଣେ ସ୍ବତନ୍ତ୍ର ଖେଳାଳି ବୋଲି ମଧ୍ୟ ବିବେଚନା କରିଛନ୍ତି ।
ରୋହିତ ଶର୍ମା ଉଦାହରଣ ସୃଷ୍ଟି କରିଛନ୍ତି: ସଞ୍ଜୟ ଜଗଦଲେ କହିଛନ୍ତି ଯେ, ବିଶ୍ବକପରେ ବ୍ୟାଟର୍ ଭାବେ ରୋହିତ ଶର୍ମାଙ୍କ ରେକର୍ଡ ବହୁତ ଭଲ ରହିଛି । ଏହା ବ୍ୟତୀତ ସେ ଜଣେ ଅଧିନାୟକ ଭାବରେ ମଧ୍ୟ ଭଲ ପ୍ରଦର୍ଶନ କରୁଛନ୍ତି । ତାଙ୍କର ଉତ୍କୃଷ୍ଟ ବ୍ୟାଟିଂ ଦଳର ମିଡିଲ ଅର୍ଡର ଉପରେ ଚାପ ପକାଏ ନାହିଁ। ତାଙ୍କର ଆକ୍ରମଣାତ୍ମକ ବ୍ୟାଟିଂ ଯୋଗୁଁ ଭାରତ ଭଲ ସ୍କୋର୍ କରିବାରେ ସକ୍ଷମ ହୋଇଥାଏ । ଯାହା ଅନ୍ୟ ବ୍ୟାଟର୍ଙ୍କ ଉପରେ ଅଧିକ ଚାପ ପକାଏ ନାହିଁ । ସେମାନେ ମଧ୍ୟ ଭଲ ରନ୍ କରିପାରନ୍ତି । ଚଳିତ ବିଶ୍ବକପରେ ରୋହିତ ଶର୍ମା ବର୍ତ୍ତମାନ 8ଟି ମ୍ୟାଚ୍ ଖେଳି 442 ରନ୍ କରିବାରେ ସକ୍ଷମ ହୋଇଛନ୍ତି । ବିଶ୍ବକପରେ ସର୍ବାଧିକ ରନ୍ କରିବାରେ ରୋହିତ ଶର୍ମା ଚତୁର୍ଥ ସ୍ଥାନରେ ରହିଛନ୍ତି ।