ମୁମ୍ବାଇ:ବିଶ୍ବକପର ପ୍ରଥମ ସେମିଫାଇନାଲ ମ୍ୟାଚରେ ବିରାଟ କୋହଲି ଇତିହାସ ରଚିଛନ୍ତି । ଦିନିକିଆରେ 50ତମ ଶତକ ପୂରଣ କରି ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଛନ୍ତି କିଙ୍ଗ କୋହଲି । ବର୍ତ୍ତମାନ ଦିନିକିଆ କ୍ରିକେଟ୍ରେ ସର୍ବାଧିକ ଶତକ ହାସଲକାରୀ ହେଉଛନ୍ତି କୋହଲି । 50ତମ ଶତକ ପୂରଣ କରିବା ପରେ କୋହଲିଙ୍କୁ ଶୁଭେଚ୍ଛା ଜଣାଇଛନ୍ତି ସଚିନ । ସେଦିନର ବାଳକ ଆଜି ବିରାଟ ଖୋଳାଳିରେ ପରିଣତ ହୋଇଥିବା ଟ୍ବିଟ୍ରେ କହିଛନ୍ତି ସଚିନ ତେନ୍ଦୁଲକର ।
ସଚିନ ତେନ୍ଦୁଲକର ଟ୍ବିଟ୍ କରିଛନ୍ତି, "ପ୍ରଥମ ଥର ମୁଁ ଡ୍ରେସିଂ ରୁମ୍ରେ ତୁମକୁ ଦେଖିଥିଲି । ସେତେବେଳେ ଅନ୍ୟ ସାଥୀ ଖେଳାଳିମାନେ ତୁମକୁ ମୋ ପାଦ ଝୁଇଁବାକୁ କହି ମଜାକ କରିଥିଲେ । ସେଦିନ ମୁଁ ମୋ ହସକୁ ଅଟକାଇ ପାରିନଥିଲି । କିନ୍ତୁ ଖୁବଶୀଘ୍ର, ତୁମେ ତୁମର ଆଗ୍ରହ ଏବଂ କୌଶଳରେ ମୋ ହୃଦୟକୁ ଛୁଇଁଛ । ସେଦିନର ସେହି ବାଳକ ଆଜି ଜଣେ ‘ବିରାଟ’ ଖେଳାଳିରେ ପରିଣତ ହୋଇଛି । ଜଣେ ଭାରତୀୟ ଖେଳାଳି ମୋର ରେକର୍ଡ ଭାଙ୍ଗିଥିବାରୁ ଏହା ସବୁଠାରୁ ମୋ ପାଇଁ ବଡ ଖୁସି । ବିଶ୍ୱକପ ସେମିଫାଇନାଲ ପରି ବଡ ମ୍ୟାଚରେ ଏବଂ ମୋ ଘରୋଇ ଗ୍ରାଉଣ୍ଡରେ ମୋ ରେକର୍ଡ କୋହଲି ଭାଙ୍ଗିଥିବାରୁ ମୁଁ ବହୁତ ଖୁସୀ ।"
ଏହା ମଧ୍ୟ ପଢନ୍ତୁ-ବିଶ୍ବକପ୍ ୨୦୨୩: ସେମିରେ ପୁଣି ଚମକିଲେ ଟପ୍ ଅର୍ଡର, ନ୍ୟୁଜିଲାଣ୍ଡ ଆଗରେ ୩୯୮ ଟାର୍ଗେଟ୍
ଭାରତ ଓ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯାଇଥିବା ସେମିଫାଇନାଲ ମ୍ୟାଚରେ ବିରାଟ କୋହଲି ଐତିହାସିକ ଶତକ ହାସଲ କରିଥିଲେ । କୋହଲି 113 ବଲରୁ 9 ଚୌକା ଓ 2 ଛକା ବଳରେ 117 ରନର ଐତିହାସିକ ପାଳି ଖେଳି ଖେଳି ଆଉଟ୍ ହୋଇଥିଲେ କୋହଲି । 50 ତମ ଶତକ ପୂରଣ କରି ସଚିନଙ୍କ ରେକର୍ଡ ଭଙ୍ଗ କରିଥିବାରୁ ଚାରି ଆଡୁ ତାଙ୍କୁ ଶୁଭେଚ୍ଛାର ସୁଅ ଛୁଟିଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ବିଟ କରି କୋହଲିଙ୍କୁ ଶୁଭେଚ୍ଛା ଜଣାଇଥିଲେ ।
ନବୀନ ଟ୍ବିଟ କରି କହିଥିଲେ ଯେ, ବିଶ୍ବକପ ସେମିଫାଇନାଲ ମ୍ୟାଚରେ 50 ତମ ଶତକହାସ କରି ତୁମୋ ଇତିହାସ ରଚିଛ । ଏଭି ପ୍ରଦର୍ଶନ ଆଗକୁ ଜାରି ରଖ ଓ ଦେଶ ପାଇଁ ଗୌରବ ଆଣିବା ଜାରି ରଖ । ସେହିପରି ମହମ୍ମଦ ଶାମି 7ଟି ଓ୍ବିକେଟ ନେଇଥିବାକୁ ମୁଖ୍ୟମନ୍ତ୍ରୀଙ୍କୁ ତାଙ୍କୁ ଶୁଭେଚ୍ଛା ଜଣାଇଥିଲେ । ଭାରତୀୟ ଦଳ ସେମିରେ ପ୍ରବେଶ କରିଥିବାରୁ ମଧ୍ୟ ଟିମ ଇଣ୍ଡିଆକୁ ଶୁଭେଚ୍ଛା ଜଣାଇଥିଲେ ନବୀନ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ସାମିଙ୍କ ବୋଲିଂକୁ ପ୍ରଶଂସା କରିବା ସହ ବିଶ୍ବକପ ଫାଇନାଲରେ ଭାରତ ପ୍ରବେଶ କରିଥିବାରୁ ଶୁଭେଚ୍ଛା ଜଣାଇଛନ୍ତି ।
