ଦୁବାଇ: ଇଂଲିସ କ୍ରିକେଟର ଜସ୍ ବଟଲର ହାତେଇଲେ ଆଇସିସି ପ୍ଲେୟର ଅଫି ଦି ମନ୍ଥ ପୁରସ୍କାର । ୨୦୨୨ ଟି୨୦ ବିଶ୍ବକପ ବିଜେତା ଅଧିନାୟକ ଜସ୍ ବଟଲର (Jos Buttler)ଙ୍କୁ ନଭେମ୍ବର ମାସରେ ଦମଦାର ପ୍ରଦର୍ଶନ ପାଇଁ ଆଜି (ସୋମବାର) ଅନ୍ତର୍ଜାତୀୟ କ୍ରିକେଟ ପରିଷଦ (ICC) ପ୍ଲେୟର ଅଫି ଦି ମନ୍ଥ ପୁରସ୍କାର ପାଇଁ ଚୟନ କରିଛି । ସେପଟେ ପାକିସ୍ତାନର ସିଦରା ଅମିନ (Sidra Ameen ) ଙ୍କୁ ଆଇସିସି ପ୍ଲେୟର ଅଫି ଦି ମନ୍ଥ ଚୟନ କରିଛି । ଆୟାରଲାଣ୍ଡ ବିପକ୍ଷରେ ଦିନିକିଆ ସିରିଜରେ ଚମତ୍କାର ପ୍ରଦର୍ଶନ ପାଇଁ ମହିଳା ବର୍ଗରେ ସେ ଏହି ପୁରସ୍କାର ହାତେଇଛନ୍ତି ।
ଜସ୍ ବଟଲର ମାସ ଆରମ୍ଭରୁ ନ୍ୟୁଜିଲାଣ୍ଡ ବିପକ୍ଷରେ ବ୍ରିସବେନରେ ଚମତ୍କାର ପ୍ରଦର୍ଶନ କରି ନାଟକୀୟ ଢଙ୍ଗରେ ବିଜୟ ହାସଲ କରିଥିଲେ । ଯାହା ତାଙ୍କୁ ମ୍ୟାଚରେ ସର୍ବଶ୍ରେଷ୍ଠ ଖେଳାଳି ଭାବରେ ବିବେଚିତ କରିଥିଲା । ସେ ୪୭ ବଲରୁ ୭୩ ରନର ଇଂନିସ ଖେଳି ଟି୨୦ ବିଶ୍ବକପରେ ନ୍ୟୁଜିଲାଣ୍ଡକୁ ମାତ୍ ଦେବାରେ ସହାୟକ ହୋଇଥିଲେ ।