ନୂଆଦିଲ୍ଲୀ:ଆଇପିଏଲ 2021 ଆରମ୍ଭକୁ ଆଉ ମାତ୍ର କିଛି ଦିନ ବାକି ଥିବାବେଳେ ଦିଲ୍ଲୀ କ୍ୟାପିଟାଲ୍ସକୁ ବଡ ଝଟକା । ଦିଲ୍ଲୀ କ୍ୟାପଟେନ ଶ୍ରେୟସ ଆୟର ଇଣ୍ଡିଆନ ପ୍ରିମିୟର ଲିଗ୍ର ଆଗାମୀ ସଂସ୍କରଣରୁ ବାଦ ପଡିଛନ୍ତି । ଏନେଇ ଫ୍ରାଞ୍ଚାଇଜ କୋ-ଓନର ପାର୍ଥ ଜିନ୍ଦଲ ଟ୍ବିଟ ଯୋଗେ ସୂଚନା ଦେଇଛନ୍ତି । ଆୟର ଆଇପିଏଲ ଖେଳିବା ନାହିଁ ବୋଲି ସ୍ପଷ୍ଟ କରିବା ସହ ଏହା ଘୋଷଣା କରି ଦୁଃଖିତ ବୋଲି କହିଛନ୍ତି । ଆଗାମୀ ଟି20 ବିଶ୍ବକପରେ ଭାରତ ଆୟରଙ୍କୁ ଆବଶ୍ୟକତା କରୁଛି ବୋଲି ଟ୍ବିଟରେ ସେ ଉଲ୍ଲେଖ କରିଛନ୍ତି ।
ମଙ୍ଗଳବାର ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ଇଂଲଣ୍ଡ ବିପକ୍ଷ ପ୍ରଥମ ଦିନିକିଆରେ ଫିଲ୍ଡିଂବେଳେ ଆହତ ହୋଇଥିଲେ ଆୟର । ବାମକାନ୍ଧରେ ଜୋର୍ରେ ଯନ୍ତ୍ରଣା ଅନୁଭବ କରିବା ପରେ ତାଙ୍କୁ ପଡିଆ ଛାଡିବାକୁ ପଡିଥିଲା । ପରେ ତାଙ୍କ ସ୍ଥାନରେ ଶୁଭମନ ଗିଲ୍ ଫିଲ୍ଡିଂ କରିଥିଲେ । ପରେ ବିସିସିଆଇ ପକ୍ଷରୁ ଏକ ମିଡିଆ ବିବୃତି ଜାରି କରାଯାଇ ଆୟରଙ୍କୁ ସ୍କାନ ପାଇଁ ନିଆଯାଇଥିବା କହିବା ସହ ମ୍ୟାଚ ଖେଳିପାରିବେ ନାହିଁ ବୋଲି କୁହାଯାଇଥିଲା ।