ନୂଆଦିଲ୍ଲୀ: କୋରୋନାର ଏହି ଦ୍ବିତୀୟ ଲହର ପୁଣି ଥରେ ଘର ଭିତରେ ସେଲିବ୍ରିଟିମାନଙ୍କୁ କାବୁ କରିଛି । ଯାହାକୁ ନେଇ ଆଜିକାଲି ବଲିଉଡ ଅଭିନେତ୍ରୀ କଙ୍ଗନା ମଧ୍ୟ ଘରେ ସମୟ ଅତିବାହିତ କରୁଛନ୍ତି।
ନିକଟରେ କଙ୍ଗନା ତାଙ୍କ ଘରୁ କିଛି ଫଟୋ ସେୟାର କରିଛନ୍ତି । କିନ୍ତୁ ଏହି ଫଟୋଗୁଡିକ ଅପେକ୍ଷା ଫଟୋରେ ଦିଆଯାଇଥିବା କ୍ୟାପସନ ଫ୍ୟାନ୍ସଙ୍କ ବେଶ ଦୃଷ୍ଟି ଆକର୍ଷଣ କରିଛି । କାରଣ ତାଙ୍କ କ୍ୟାପସନ୍ ସିଧାସଳଖ ଜାଭେଦ୍ ଅଖତରଙ୍କ ଆଡକୁ ଅଙ୍ଗୁଳି ନିର୍ଦ୍ଦେଶ କରୁଛି ।
ଗତ ବର୍ଷ କଙ୍ଗନାଙ୍କ ବିବାଦୀୟ ବୟାନ ପାଇଁ ତାଙ୍କ ବିରୁଦ୍ଧରେ ମାନହାନି ମାମଲା ରୁଜୁ କରିଥିଲେ ସଙ୍ଗୀତକାର ଜାଭେଦ ଅଖତର । ଏହି ମାମଲାରେ ମୁମ୍ବାଇ କୋର୍ଟରେ ଶୁଣାଣି ମଧ୍ୟ ହୋଇଥିଲା। ସଂକ୍ଷିପ୍ତ ଶୁଣାଣି ପରେ କୋର୍ଟ କଙ୍ଗନାଙ୍କ ଏହି ମାମଲା ଶେଷ କରିବାକୁ ଦେଇଥିବା ଆବେଦନକୁ ପ୍ରତ୍ୟାଖ୍ୟାନ କରିଥିଲେ ।
ଫଟୋ ସହିତ କୁଇନ ଜାଭେଦ ଅଖତରଙ୍କ କିଛି ପଂକ୍ତି ତାଙ୍କ ଫଟୋ ସହିତ ସେୟାର କରିଛନ୍ତି, ଯାହା ଭାଇରାଲ ହେବାରେ ଲାଗିଛି ।