ହାଇଦ୍ରାବାଦ: ମନି ଲଣ୍ଡରିଂ ମାମଲା (Money laundering Case)ରେ ବଲିଉଡ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିଜଙ୍କୁ ପଟିଆଲା ହାଉସ କୋର୍ଟରୁ ଏକ ବଡ଼ ଆଶ୍ବସ୍ତି ମିଳିଛି । 200 କୋଟି ଠକେଇ ମାମଲାରେ ଜ୍ୟାକଲିନଙ୍କ ବେଲ୍ ଉପରେ ନିଷ୍ପତ୍ତି ଶୁଣାଇ ଶେଷରେ ଅଭିନେତ୍ରୀଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି। ପ୍ରଥମ ଅଭିନେତ୍ରୀଙ୍କ ଜାମିନ ଉପରେ ନଭେମ୍ବର 11 ରେ ନିଷ୍ପତ୍ତି ନିଆଯିବାର ଥିଲା । କିନ୍ତୁ କୋର୍ଟ ଏହି ରାୟକୁ ସୁରକ୍ଷିତ ରଖିଥିଲେ । ଅଭିନେତ୍ରୀଙ୍କ ଅନ୍ତରୀଣ ଜାମିନ 10 ନଭେମ୍ବରରେ ଶେଷ ହୋଇଥିଲା। ଏହି ରାୟ ଦେବାବେଳେ କୋର୍ଟ ଜ୍ୟାକଲିନଙ୍କୁ ଦୁଇ ଲକ୍ଷ ବ୍ୟକ୍ତିଗତ ଜାମିନ୍ ବଣ୍ଡ ଅର୍ଥାତ୍ ସୁରକ୍ଷା ବଣ୍ଡରେ ନିର୍ଦ୍ଦୋଷରେ ଖଲାସ କରିଛନ୍ତି।
ବିଦେଶ ପରିଦର୍ଶନ କରିପାରିବେ
ସୁକେଶ ଚନ୍ଦ୍ରଶେଖରଙ୍କ ସହ ଠକେଇ ମାମଲାରେ ଜଡିତ ଜ୍ୟାକଲିନଙ୍କୁ ଜାମିନ ମିଳିଛି। ଏହି ଅଭିନେତ୍ରୀ ପୂର୍ବରୁ ଅନ୍ତରୀଣ ଜାମିନରେ ଥିଲେ। ଏହା ପରେ ସେ ନିୟମିତ ବେଲ୍ ପାଇଁ ଆବେଦନ କରିଥିଲେ। ନଭେମ୍ବର 11 ରେ ଅନୁଷ୍ଠିତ ଶୁଣାଣିରେ ଇଡି ଜ୍ୟାକଲିନଙ୍କ ଜାମିନକୁ ବିରୋଧ କରିଥିଲେ। ଇଡି କହିଛି ଯେ, ଜ୍ୟାକଲିନ ପ୍ରମାଣକୁ ଖଣ୍ଡନ କରିପାରନ୍ତି। ବିଦେଶରେ ମଧ୍ୟ ଯାଇପାରନ୍ତି । ଏଥି ସହିତ ଜ୍ୟାକଲିନଙ୍କ ଓକିଲ ତଦନ୍ତରେ ସମ୍ପୂର୍ଣ୍ଣ ସହଯୋଗର ନିଶ୍ଚିତତା ପ୍ରଦାନ କରିଥିଲେ। ଜ୍ୟାକଲିନ ଇଡି ବିରୋଧରେ ତାଙ୍କୁ ହଇରାଣ କରୁଥିବା ଅଭିଯୋଗ କରିଛନ୍ତି। ଏହି ନିଷ୍ପତ୍ତିରେ କୋର୍ଟ ଜ୍ୟାକଲିନଙ୍କୁ ବିଦେଶ ଯିବାକୁ ମଧ୍ୟ ରିହାତି ଦେଇଛନ୍ତି। କୋର୍ଟ କହିଛନ୍ତି ଯେ କୋର୍ଟଙ୍କ ଅନୁମତି କ୍ରମେ ଜ୍ୟାକଲିନ ଦେଶ ବାହାରକୁ ଯାଇପାରିବେ, କିନ୍ତୁ ଅଭିନେତ୍ରୀ ଦେଶ ଛାଡି ପାରିବେ ନାହିଁ। ପରବର୍ତ୍ତୀ ତାରିଖ ଭାବରେ କୋର୍ଟ 24 ନଭେମ୍ବରକୁ ସ୍ଥିର କରିଛନ୍ତି।