ମୁମ୍ବାଇ:ନିକଟରେ ବିଗ୍ ବସ୍ OTT ସିଜନ୍ 2 ଲଞ୍ଚ କରାଯାଇଛି । ଶୋ’ରେ 13 ଜଣ ପ୍ରତିଯୋଗୀ ଅଛନ୍ତି ଯେଉଁମାନେ ବିଭିନ୍ନ ଷ୍ଟ୍ରିମରୁ ଆସିଛନ୍ତି । ଏହି ଶୋ’ରେ ବଲିଉଡ ଅଭିନେତା ନୱାଜୁଦ୍ଦିନ ସିଦ୍ଦିକିଙ୍କ ପୂର୍ବତନ ପତ୍ନୀ ଆଲିଆ ସିଦ୍ଦିକି ମଧ୍ୟ ଭାଗ ନେଇଛନ୍ତି । ଏହି ଏପିସୋଡରେ ଆଲିଆ ପିଲାଙ୍କୁ ମନେ ପକାଇ କାନ୍ଦିଥିବା ଦେଖିବାକୁ ମିଳିଛି । ଏହାସହ ଛାଡପତ୍ରକୁ ନେଇ ମଧ୍ୟ ମୁହଁ ଖୋଲିଛନ୍ତି । ସେ କହିଛନ୍ତି ''ମୋର ଛାଡପତ୍ର ହୋଇନଥିଲେ ମୁଁ ଏଠାକୁ ଆସିନଥାନ୍ତି ।''
ଶୋ’ର ପଞ୍ଚମ ଦିନରେ ଯେତେବେଳେ ଆଲିଆ କାନ୍ଦୁଥିବା ଦେଖିବାକୁ ମିଳିଥିଲା, ପ୍ରତିଯୋଗୀ ଅଭିଷେକ ମଲହାନ ତାଙ୍କୁ କାନ୍ଦିବାର କାରଣ ପଚାରିଥିଲେ । ଏହା ଉପରେ ଆଲିଆ କହିଛନ୍ତି, ମୋ ସାନ ପୁଅ ମୋ ଭଳି, ସେ ମୋ ଭଳି ନିଜ ଭାବନାକୁ ନିଜ ପାଖରେ ରଖେ । ସେ ତା ଯନ୍ତ୍ରଣା କାହାକୁ କୁହେ ନାହିଁ । ଝିଅ ସେପରି ନୁହେଁ, କାରଣ ଜ୍ୱର ହେଲେ ପୁଅ ମୋତେ ଆବଶ୍ୟକ କରେ, ଯଦି ମୁଁ ଛାଡପତ୍ର ହୋଇନଥା’ନ୍ତି, ମୁଁ କେବେ ଏଠାକୁ ଆସିନଥାନ୍ତି ।'' ସେ ଆହୁରି କହିଛନ୍ତି, ମୁଁ ସ୍ନାନ କରୁଥିଲି ତାପରେ ଏହା ମୋ ମନକୁ ଆସିଲା କିନ୍ତୁ ଜୀବନରେ ତୁମେ ନେଇଥିବା କାମ ଶେଷ କରିବା ଆବଶ୍ୟକ ।