ଭୁବନେଶ୍ବର: ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଇତିହାସ ରଚିଛି ବିଜେଡି । ବିପୁଳ ଭୋଟରେ ବିଜୟୀ ହୋଇଛି ଶାସକ ଦଳ । ଫଳାଫଳ ଆସିବା ପରେ ରାଜ୍ୟବାସୀଙ୍କୁ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଦଳକୁ ବିପୁଳ ସମର୍ଥନ ଦେଇଥିବାରୁ ସେ କୃତଜ୍ଞତା ପ୍ରକାଶ କରିବା ସହିତ ସମସ୍ତ ଦଳୀୟ ବିଜୟୀ ପ୍ରାର୍ଥୀଙ୍କୁ ଟ୍ବିଟ କରି ଶୁଭେଚ୍ଛା ଜଣାଇଛନ୍ତି ।
ପ୍ରଥମ ପର୍ଯ୍ୟାୟ ଗଣତିରେ ବିଜେଡି ଆଗରେ ରହିଥିବା ବେଳେ ଦ୍ବିତୀୟ ପର୍ଯ୍ୟାୟ ଭୋଟ ଗଣତିରେ ବିଜେଡି ମଧ୍ୟ ଆଗରେ ରହିଥିଲା । ସେହିପରି ତୃତୀୟ ଦିନ ଗଣତିରେ ବିଜେଡି ମଧ୍ୟ ଟ୍ରେଣ୍ଡିଂରେ ରହିଥିଲା । ବର୍ତ୍ତମାନ ପର୍ଯ୍ୟନ୍ତ ୮୫୧ ଜୋନ୍ ମଧ୍ୟରୁ ୭୬୫ଟି ଜୋନରେ ବିଜେଡି ବିଜୟୀ ହୋଇଛି । ସେପଟେ ଧରାଶାୟୀ ହୋଇଛି ବିରୋଧୀ ବିଜେପି ଓ କଂଗ୍ରେସ । ବିଜେପି ମାତ୍ର ୪୨ ଆସନ ହାତେଇଥିବା ବେଳେ କଂଗ୍ରେସ ଜିତିଛି ୩୭ଟି ଆସନ ।