ମୁମ୍ବାଇ: ଅଭିନେତା ହ୍ରିତିକ ରୋସନଙ୍କ ଅଭିନୀତ ବିଜ୍ଞାପନକୁ ନେଇ ବିବାଦ ପରେ କ୍ଷମା ପ୍ରାର୍ଥନା କରିଛି (Zomato apologises for controversial advertisement) ଅନଲାଇନ ଖାଦ୍ୟ ଡେଲିଭରୀ ସଂସ୍ଥା Zomato । ଉକ୍ତ ବିଜ୍ଞାପନକୁ ମଧ୍ୟ ପ୍ରସାରଣ ତାଲିକାରୁ ହଟାଇଛି ସଂସ୍ଥା । ହ୍ରିତିକ ରୋଶନ(Hrithik Roshans ) ଅଭିନୀତ ଏହି ବିଜ୍ଞାପନରେ ମଧ୍ୟ ପ୍ରଦେଶର ଉଜ୍ଜୈନରେ ଥିବା ପ୍ରସିଦ୍ଧ ମହାକାଳ ମନ୍ଦିରର ନାମ ନିଆ ଯାଇଥିବାରୁ ତୀବ୍ର ବିରୋଧ କରିଥିଲେ ମନ୍ଦିରର ସେବାୟତ । ସଂସ୍ଥା ଏହି ବିଜ୍ଞାପନକୁ ହଟାଇବା ସହ ଅଭିନେତା ହ୍ରିତିକ ରୋସନ କ୍ଷମା ପ୍ରାର୍ଥନା କରନ୍ତୁ ବୋଲି ମହାକାଳ ମନ୍ଦିରରେ ସେବାୟତ ଦାବି ମଧ୍ୟ କରିଥିଲେ । ତାର କିଛି ଘଣ୍ଟା ପର ଜୋମାଟୋ ଟ୍ବିଟରର ଏକ ବିବୃତ୍ତି ଜାରି କରି କ୍ଷମା ପ୍ରାର୍ଥନା କରିବା ସହ ଏହି ବିବାଦୀୟ ବିଜ୍ଞାପନକୁ ପ୍ରତ୍ୟାହାର କରିଥିବା ସ୍ପଷ୍ଟ କରିଛି ।
ଏହା ମଧ୍ୟ ପଢନ୍ତୁ :-ଜୋମାଟ ବିଜ୍ଞାପନ ବିବାଦ, ବିଜ୍ଞାପନ ହଟାଇବା ସହ ହ୍ରିତିକ ରୋସନଙ୍କ କ୍ଷମା ଦାବି କଲେ ମହାକାଳେଶ୍ବର ମନ୍ଦିର ସେବାୟତ