ହାଇଦ୍ରାବାଦ:ଆଜି ଗୁଜୁରାଟ ଓ ହିମାଚଳ ପ୍ରଦେଶରେ ବିଧାନସଭା ନର୍ବାଚନ ଫଳାଫଳ ପ୍ରକାଶ ପାଇଛି । ହିମାଚଳରେ ଦଳ ବିଫଳ ହୋଇଥିବା ବେଳେ ଗୁଜୁରାଟରେ କିନ୍ତୁ ଐତିହାସିକ ବହୁମତ ହାସଲ କରିଛି ଭାରତୀୟ ଜନତା ପାର୍ଟି । ଆଜି ଫଳାଫଳ ସ୍ପଷ୍ଟ ହେବା ପରେ ବିଭିନ୍ନ ସ୍ଥାନରେ ଦଳର କର୍ମକର୍ତ୍ତା ବିଜୟ ଉତ୍ସବ ପାଳନ ଜାରି ରଖିଛନ୍ତି । ଦିଲ୍ଲୀସ୍ଥିତ ପାର୍ଟି ମୁଖ୍ୟାଳୟରେ ମଧ୍ୟ ବିଜୟ ଉତ୍ସବ ପାଇଁ ଭବ୍ୟ ଆୟୋଜନ ହୋଇଛି ।
ଏଥିପାଇଁ ପ୍ରସ୍ତୁତି ପ୍ରାୟତଃ ଶେଷ ହୋଇସାରିଥିବା ବେଳେ ବହୁ ବରିଷ୍ଠ ନେତା କାର୍ଯ୍ୟାଳୟରେ ପହଞ୍ଚି ସାରିଲେଣି । ଆଉ କିଛି ସମୟ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାର୍ଯ୍ୟାଳୟରେ ପହଞ୍ଚି ଦଳୀୟ କର୍ମକର୍ତ୍ତାଙ୍କୁ ସମ୍ବୋଧିତ କରିବେ । ଦଳର ବରିଷ୍ଠ ନେତା ତଥା କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଦଳର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ପ୍ରମୁଖ ମୁଖ୍ୟାଳୟରେ ପହଞ୍ଚି ସାରିଲେଣି ।