ଶ୍ରୀନଗର:କଶ୍ମୀରରେ ସୁରକ୍ଷା ବଳକୁ ସଫଳତା ମିଳିଛି । ସବୁବେଳେ ଆତଙ୍କୀଙ୍କୁ ଗୁଳିରେ ନିପାତ କରୁଥିବା ସୁରକ୍ଷା କର୍ମୀ ଆଜି ଜଣେ ଆତଙ୍କୀକୁ ଗିରଫ କରିବାରେ ସଫଳ ହୋଇଛନ୍ତି । ଡୋଡା ଜିଲ୍ଲାରେ ଏହି ଆତଙ୍କୀଙ୍କୁ ଗିରଫ କରାଯାଇଛି । ତା ନିକଟରୁ ଏକ ଚୀନ ନିର୍ମିିତ ଅତ୍ୟାଧୁନିକ ମାଉଜର ଓ ଗୋଟିଏ ମାଗାଜିନ ସହ ଏକାଧିକ ରାଉଣ୍ଡ ଗୁଳି ମଧ୍ୟ ଜବତ ହୋଇଛି ।
ଗିରଫ ଆତଙ୍କବାଦୀ ସ୍ଥାନୀୟ ବାସିନ୍ଦା ଓ ସେ ଦୀର୍ଘ ଦିନ ଧରି ଆତଙ୍କୀ କାର୍ଯ୍ୟକଳାପରେ ସାମିଲ ଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି । ଆତଙ୍କବାଦୀ କାର୍ଯ୍ୟକଳାପ ନେଇ ଇନପୁଟ ସୂଚନା ଆଧାରରେ ଚଢାଉ ବେଳେ ଏହି ସଫଳତା ମିଳିଛି । ଗିରଫ ଆତଙ୍କୀର ମୋବାଇଲ ଓ ଅନ୍ୟ ବ୍ୟବହାର୍ଯ୍ୟ ସାମଗ୍ରୀ ଜବତ କରି ପୋଲିସ ତଥ୍ୟ ହାସଲ କରିବାକୁ ପ୍ରାୟସ କରୁଛି । ଜେରା ବେଳେ ଘାଟିରେ ଆତଙ୍କୀ କାର୍ଯ୍ୟକଳାପ ଓ ଯୋଜନା ନେଇ ବହୁ ଗୁରୁତ୍ବପୂର୍ଣ୍ଣ ତଥ୍ୟ ହାସଲ କରିବା ପାଇଁ ପୋଲିସ ଚେଷ୍ଟା ଜାରି ରଖିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ