ମୁମ୍ବାଇ: ମହାରାଷ୍ଟ୍ର ସରକାର ଉପରେ ରାଜନୈତିକ ସଙ୍କଟ ଲାଗି ରହିଛି । ବାଗୀ ବିଧାୟକ ଗୌହାଟୀରେ କ୍ୟାମ୍ପ କରିଛନ୍ତି । ତୁଙ୍ଗନେତା ଏକନାଥ ସିନ୍ଧେଙ୍କ ନେତୃତ୍ବରେ ଶିବସେନା ବିଧାୟକ, ଉଦ୍ଧବଙ୍କ ହାତ ଛାଡ଼ିଛନ୍ତି । ଏହାରି ମଧ୍ୟ ଖୁବଶୀଘ୍ର ମହାରାଷ୍ଟ୍ର ଫେରିବେ ବୋଲି କହିଛନ୍ତି ଏକନାଥ ସିନ୍ଧେ ।
ତାଙ୍କ ପରବର୍ତ୍ତୀ ପଦକ୍ଷେପ କଣ ହେବ ତାହାକୁ ନେଇ ପ୍ରଶ୍ନର ଉତ୍ତର ଦେଇ ଏକନାଥ ସିନ୍ଧେ କହିଛନ୍ତି ଯେ, "ମୋ ସହ ୫୦ ଜଣ ବିଧାୟକଙ୍କ ସମର୍ଥନ ରହିଛି । ଖୁବଶୀଘ୍ର ମୁଁ ମୁମ୍ବାଇ ଫେରିବି । ଆମେ ଏବେ ବି ଶିବସେନାରେ ଅଛୁ । ଆମେ ଶିବସେନାକୁ ଆଗକୁ ନେଇ ଯାଉଛୁ । ଏହାକୁ ନେଇ କେହି ସନ୍ଦେହ କରିବା ଯଥାର୍ଥ ନୁହେଁ । ଆମର ପରବର୍ତ୍ତୀ ପଦକ୍ଷେପ କଣ ହେବ ତାହା ଆମେ ଜଣାଇବୁ । ଏଥିପାଇଁ ଆମେ ଖୁବଶୀଘ୍ର ମୁମ୍ବାଇ ଫେରିବୁ ।"