ଦିଲ୍ଲୀ:ଆଉ କିଛି ଘଣ୍ଟା ପରେ ବିଶ୍ବରେ ପାଳିତ ହେବ ଖ୍ରୀଷ୍ଟମାସ ବା ବଡ଼ଦିନ (Christmas 2022) । ଏନେଇ ଖ୍ରୀଷ୍ଟ ଧର୍ମାବଲମ୍ବୀଙ୍କଠାରୁ ଦେଶବାସୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଏହି ଅବସରରେ ଦିଲ୍ଲୀ ସାକ୍ରେଡ ହାର୍ଟ କ୍ୟାଥେଡ୍ରାଲ ଚର୍ଚ୍ଚ (Delhi Sacred Heart Cathedral)ପରିଭ୍ରମଣ କରିଛନ୍ତି ରାଷ୍ଟ୍ରପତି ଦ୍ରୋପଦୀ ମୁର୍ମୁ ( President Droupadi Murmu )। ସେଠାରେ ସେ ଲର୍ଡ ଯୀଶୁଙ୍କୁ ପ୍ରାର୍ଥନା କରିବା ସହିତ କୁନି ପିଲାଙ୍କ ସହିତ ସମୟ ଅତିବାହିତ କରିଛନ୍ତି । ମାନବିକତାର ବିକାଶ ଓ କଲ୍ୟାଣ ଲାଗି ସେ ଭଗବାନ ଯୀଶୁ (Lord Jesus)ଙ୍କୁ ପ୍ରାର୍ଥନା କରିଛନ୍ତି ।
ଚର୍ଚ୍ଚକୁ ପରିଭ୍ରମଣ ସମୟରେ ସେଠାରେ ଉପସ୍ଥିତ ପିଲାଙ୍କ ସହିତ ମ୍ୟାଡାମ ପ୍ରେସିଡେଣ୍ଟ ସମୟ ଅତିବାହିତ କରିବା ସହ ସେଲିବ୍ରେସନରେ ମଧ୍ୟ ଯୋଗଦେଇଛନ୍ତି । ରିପୋର୍ଟ ଅନୁସାରେ ଖ୍ରୀଷ୍ଟମାସର ଗୋଟିଏ ଦିନ ପୂର୍ବରୁ ରାଷ୍ଟ୍ରପତି ଚର୍ଚ୍ଚକୁ ଯାଇ ପ୍ରାର୍ଥନା କରିଛନ୍ତି । ଆସନ୍ତାକାଲି ଚର୍ଚ୍ଚରେ ପ୍ରବଳ ଭିଡ଼ ରହିବ । ତେବେ ସୁରକ୍ଷା ଓ ପ୍ରୋଟକଲ ଦୃଷ୍ଟିରୁ ସେ ଆଜି ଚର୍ଚ୍ଚ ଯାଇ ଭଗବାନଙ୍କ ଯୀଶୁଙ୍କ ନିକଟରେ ଦେଶର କଲ୍ୟାଣ ଲାଗି ପ୍ରାର୍ଥନା କରିଛନ୍ତି ।