ହାଇଦ୍ରାବାଦ:‘‘ଯୋଗ ଭାରତୀୟ ପରମ୍ପରାରୁ ଆସିଛି । ହେଲେ ଏହା କିନ୍ତୁ ଏହା ଏକ ପ୍ରାଚୀନ ପରମ୍ପରା । ଏହା ବାସ୍ତବରେ ବୈଶ୍ବିକ ପରମ୍ପରା । ଏହି ଯୋଗ ମାନବତାକୁ ଯୋଡେ, ଏହା କେବଳ ଏକ ପରମ୍ପରା ନୁହେଁ ବରଂ ଏହା ଜୀବନର ଏକ ମାର୍ଗ । ଏହା ବୟସ, ଲିଙ୍ଗ ନିର୍ବିଶେଷରେ ସମସ୍ତ ବର୍ଗର ଲୋକଙ୍କ ପାଇଁ ଗ୍ରହଣୀୟ । ଏହା ସମସ୍ତ କପିରାଇଟଠାରୁ ମଧ୍ୟ ମୁକ୍ତ । ନ୍ୟୁୟର୍କ ସ୍ଥିତ ଜାତିସଂଘ ମୁଖ୍ୟାଳୟରେ ଅନ୍ତରାଷ୍ଟ୍ରୀୟ ଯୋଗ ଦିବସ କାର୍ଯ୍ୟକ୍ରମରେ ସାମିଲ ହେବା ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହା କହିଛନ୍ତି ।
କର୍ଯ୍ୟକ୍ରମକୁ ସମ୍ବୋଧିତ କରିବା ଅବସରରେ ପ୍ରଧାନମନ୍ତ୍ରୀ କହିଛନ୍ତି, ‘‘ଗତ ବର୍ଷ ସମଗ୍ର ବିଶ୍ବ ବର୍ଷ 2023କୁ ‘ଅନ୍ତର୍ଜାତୀୟ ମିଲେଟ ବର୍ଷ’ ଭାବେ ପାଳନ କରିବା ନେଇ ଭାରତର ପ୍ରସ୍ତାବକୁ ସମର୍ଥନ କରିଥିଲା । ଏହା ଦେଖି ଖୁସି ଲାଗୁଛି, ପୁଣି ଥରେ ସମଗ୍ର ବିଶ୍ବ ଆଜି ଯୋଗ ପାଇଁ ଏକାଠି ହୋଇଛି । ମତେ ଏହା ସୂଚୀତ କରାଯାଇଛି, ଆଜିର ଏହି କାର୍ଯ୍ୟକ୍ରମରେ ସମଗ୍ର ଦେଶର ପ୍ରତିନିିଧି ଏକାଠି ହୋଇଛନ୍ତି । ଏଥିପାଇଁ ସମସ୍ତଙ୍କୁ ଧନ୍ୟବାଦ ।" ସମ୍ବୋଧନ ଶେଷ ଭାଗରେ ପ୍ରଧାନମନ୍ତ୍ରୀ ବସୁଧୈବ କୁଟୁମ୍ବକଂ ମନ୍ତ୍ରର ଉଦାହରଣ ଦେଇଥିଲେ । ସମସ୍ତେ ଖୁସି ଓ ନିରାମୟ ରହୁନ୍ତୁ । ଗୋଟିଏ ବିଶ୍ବ ,ଗୋଟିଏ ପରିବାର ଓ ଗୋଟିଏ ଭବିଷ୍ୟତର ମନ୍ତ୍ର ନେଇ ଆଗକୁ ବଢନ୍ତୁ ବୋଲି କହିଥିଲେ ।
ସମ୍ବୋଧନ କାର୍ଯ୍ୟକ୍ରମ ପରେ ଜାତିସଂଘ ମୁଖ୍ଯାଳୟରେ ଯୋଗ କାର୍ଯ୍ୟକ୍ରମ ଆରମ୍ଭ ହୋଇଥିଲା । ଏଥିରେ ପ୍ରଧାନମନ୍ତ୍ରୀ ନିଜେ ଯୋଗ କରିଥିଲେ । ଏହି କାର୍ଯ୍ୟକ୍ରମରେ ପ୍ରାୟ 180 ଦେଶର ନାଗିରକ ଅଂଶଗ୍ରହଣ କରିଛନ୍ତି । କାର୍ଯ୍ୟକ୍ରମ ଆରମ୍ଭ ପୂର୍ବରୁ ପ୍ରଧାନମନ୍ତ୍ରୀ ମୋଦି ଜାତିସଂଘ ମୁଖ୍ୟାଳୟରେ ଥିବା ରାଷ୍ଟ୍ରପିତା ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଜାତିସଂଘରେ ଭାରତର ସ୍ଥାୟୀ ପ୍ରତିନିଧି ରୁଚିରା କମ୍ବୋଜ ମଧ୍ୟ ଏହି କାର୍ଯ୍ୟକ୍ରମରେ ସାମିଲ ହୋଇଛନ୍ତି । ଅନ୍ୟପଟେ ଆଜି ସାରା ବିଶ୍ବର କୋଣ ଅନୁକୋଣରେ ଯୋଗ ଦିବସ ପାଳିତ ହୋଇଛି ।