ଭୋପାଲ:ଅନଲାଇନ ଖାଦ୍ୟ ଡେଲିଭରି ସଂସ୍ଥା ଜୋମାଟର ନୂତନ ବିଜ୍ଞାପନ(Zomatos thali controversial advertisement)କୁ ନେଇ ବିବାଦ । ବଲିଉଡ ଅଭିନେତା ହ୍ରିତିକ ରୋସନଙ୍କ ଦ୍ବାରା ଅଭିନିତ ଏହି ବିଜ୍ଞାପନ ହିନ୍ଦୁମାନଙ୍କ ଧର୍ମୀୟ ଭାବନାକୁ ଆଘାତ ପହଞ୍ଚାଇଥିବା ଅଭିଯୋଗ ହୋଇଛି । ମଧ୍ୟ ପ୍ରଦେଶରେ ଉଜ୍ଜୈନରେ ଥିବା ପ୍ରସିଦ୍ଧ ମହାକାଳ ମନ୍ଦିରର ସେବାୟତ ବିଜ୍ଞାପନ ନିର୍ମାଣକାରୀ ସଂସ୍ଥା ଏହି ବିଜ୍ଞାପନ ପ୍ରତ୍ୟାହାର କରିବା ସହ ଏଥିରେ ଅଭିନୟ କରିଥିବା ଅଭିନେତା ହ୍ରିତିକ ରୋସନ କ୍ଷମା ପ୍ରାର୍ଥନା କରନ୍ତୁ ବୋଲି ଦାବି କରିଛନ୍ତି । ଜୋମାଟର ଥାଳି ବିଜ୍ଞାପନ (advertisement controversy by Zomato)ରେ ହ୍ରିତିକ ମହାକାଳ ମନ୍ଦିରର ନାମ ନେବା ସହ ଧର୍ମୀୟ ଆଘାତ ପହଞ୍ଚାଇବା ପରି ଭାଷା ବ୍ୟବହାର କରିଥିବା ଅଭିଯୋଗ ହୋଇଛି ।
ଜୋମାଟ ପ୍ରସ୍ତୁତ କରିଥିବା ଏହି ବିଜ୍ଞାପନରେ (Zomatos thali controversial advertisement)ରେ ଅଭିନେତା ହ୍ରିତିକ ରୋସନ ଅଭିନୟ କରିଛନ୍ତି । ଏହି ଭିଡିଓରେ ହ୍ରିତିକ କହୁଛନ୍ତି‘‘ ଉଜ୍ଜୈନ ମେ ହେଁ, ମନ କିୟା ତୋ ମହାକାଲ ସେ ମଙ୍ଗାଲିୟା ।’’ ଯାହାକୁ ନେଇ ବିବାଦ ଦେଖିବାକୁ ମିଳିଛି । ମହାକାଳ ମନ୍ଦିରର ପୂଜକ ଓ ସେବାୟତ ଏପରି ବିଜ୍ଞାପନକୁ ନେଇ ଆପତ୍ତି ଉଠାଇବା ସହ ଏକ ଫୁଡ ଡେଲିଭରୀ କମ୍ପାନୀର ବିଜ୍ଞାପନକୁ ମହାକାଳ ମନ୍ଦିର ପରି ପ୍ରସିନ୍ଧ ମନ୍ଦିର ସହ କାହିଁକି ଯୋଡାଗଲା, ତାକୁ ନେଇ ପ୍ରଶ୍ନ ଉଠାଇଛନ୍ତି । ଅନ୍ୟପଟେ ମହାକାଳ ମନ୍ଦିରରେ ଶ୍ରଦ୍ଧାଳୁଙ୍କ ପାଇଁ ଦୈନିକ ପ୍ରସାଦ ପ୍ରସ୍ତୁତ ହୋଇଥାଏ । ଏଠାରେ ହୋମ ଡେଲିଭରୀ କିମ୍ବା କୌଣସି ଅନଲାଇନ ସଂସ୍ଥା ମାଧ୍ୟମରେ ମଧ୍ୟ ଏହି ପ୍ରସାଦର ଡେଲିଭରୀର ପ୍ରଶ୍ନ ଉଠୁନାହିଁ । ତେଣୁ ଏପରି ସ୍ଥଳେ ଏକ ଫୁ଼ଡ ଡେଲିବରୀ କମ୍ପାନୀ କାହିଁକି ତାର ବିଜ୍ଞାପନରେ ମହାକାଳ ମନ୍ଦିରର ନାଁ ନେଇ ହିନ୍ଦୁ ଧର୍ମୀୟ ଭାବନାକୁ ଆଘାତ ପହଞ୍ଚାଇଛି ବୋଲି ପୂଜକ ଆପତ୍ତି ଉଠାଇଛନ୍ତି ।