ଭୋପାଲ: ମୌଳବାଦୀ ସଂଗଠନ PFIକୁ ରାଷ୍ଟ୍ରୀୟ ସ୍ବଂୟ ସେବକ ସଂଘ (RSS) ସହ ତୁଳନା କଲେ ବରିଷ୍ଠ ନେତା ଦିଗବିଜୟ ସିଂ । ଉଭୟ ସଂଗଠନ ଗୋଟିଏ ଥାଳିର ଚଟ୍ଟେ ବଟ୍ଟେ ଓ ଉଭୟ ଘୃଣା ସୃଷ୍ଟିକାରୀ ବୋଲି କହିଛନ୍ତି ଜିଗବିଜୟ (Digvijaya Singh compares RSS with PFI)। ପୂର୍ବରୁ କିଛି ବରିଷ୍ଠ କଂଗ୍ରେସ ନେତା ଏପରି ସମାଲୋଚନା କରି ସାରିଥିବା ବେଳେ ଏହି ଧାରାରେ ସାମିଲ ହୋଇଛନ୍ତି ଦଳର ବରିଷ୍ଠ ନେତା ଦିଗବିଜୟ । କେବଳ ସେତିକି ନୁହେଁ ସେ PFI ଉପରେ ଜାରି ରହିଥିବା କାର୍ଯ୍ୟାନୁଷ୍ଠାନ ସହ ଉଭୟ ହିନ୍ଦୁ ସଂଗଠନ RSS ଓ VHP ଉପରେ ମଧ୍ୟ କାର୍ଯ୍ୟାନୁଷ୍ଠାନ ଦାବି କରିଛନ୍ତି ।
ଗଣମାଧ୍ୟମରେ PFI ବିରୋଧରେ ଜାରି ରହିଥିବା କାର୍ଯ୍ୟାନୁଷ୍ଠାନ ସମ୍ପର୍କିତ ପ୍ରଶ୍ନର ପ୍ରତିକ୍ରିୟା ରଖି ଦିଗବିଜୟ କହିଥିଲେ, ଯେଉଁ ସଂଗଠନ ସମାଜରେ ଘୃଣା, ହିଂସା ଓ ଧର୍ମୀୟ ଭେଦଭାବ ସୃଷ୍ଟି କରୁଛନ୍ତି, ସେମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାର ସମୟ ଆସିଛି (Digvijaya Singh compares RSS with PFI) । ଯଦି ପିଏଫଆଇ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି, ତେବେ ସଂଘ ଓ ବିଶ୍ବ ହିନ୍ଦୁ ପରିଷଦ (VHP) ଉପରେ କାହିଁକି ନୁହେଁ ବୋଲି ମଧ୍ୟ ସେ ପ୍ରଶ୍ନ କରିଥିଲେ ଦିଗବିଜୟ । RSS କୁ PFI ସହ ତୁଳନା ସମ୍ପର୍କରେ ପ୍ରଶ୍ନ କରାଯିବା ପରେ ସିଂ କହିଥିଲେ, ନିଶ୍ଚିତ ଉଭୟ ସଂଗଠନ ସମାଜରେ ଭେଦଭାବ ସୃଷ୍ଟି କରିବାରେ ଲାଗିଛନ୍ତି । ସମାଜରେ ଘୃଣା ସୃଷ୍ଟି କରିବା ପାଇଁ ଉଭୟ ସଂଗଠନ ଦାୟୀ । ‘‘ଏକ ଥାଲି କେ ଚଟ୍ଟେ ବଟ୍ଟେ’’।