ନୂଆଦିଲ୍ଲୀ: ଜାତୀୟ ରାଜଧାନୀ ଦିଲ୍ଲୀରେ ଟ୍ରାଫିକ ଜାମ ଓ ପ୍ରଦୂଷଣର ମାତ୍ରା ଦିନକୁ ଦିନ ବଢିବାରେ ଲାଗିଛି । ଯେଉଁଥି ପାଇଁ ଲୋକଙ୍କ ବହୁମୂଲ୍ୟ ସମୟ ନଷ୍ଟ ହେବା ସହ ଅନେକ ସମସ୍ୟା ମଧ୍ୟ ବଢି ବଢି ଚାଲିଛି । ତେବେ ଏହି ସମସ୍ୟାରୁ ରକ୍ଷା ପାଇବା ପାଇଁ ୟ୍ୟୁଲୁ ଆପ ଏକ ନୂଆ ପନ୍ଥା ବାହାର କରିଛି । ଏହା ଜରିଆରେ ଲୋକେ ଇଲେକଟ୍ରିକ ବାଇକକୁ କମ ଟଙ୍କା ଦେଇ ଭଡାରେ ନେଇପାରିବେ। ଏଭଳି ଧରଣର ପ୍ରାୟ 250ଟି ବାଇକକୁ 9ଟି ମେଟ୍ରୋ ଷ୍ଟେସନରେ ରଖାଯାଇଛି।
ଫଟୋ ସୌଜନ୍ୟ: ଇଟିଭି ଭାରତ ବ୍ୟୁରୋ
ୟ୍ୟୁଲୁ ବାଇକର ସେବା ଓ ଅପରେସନ ପ୍ରମୁଖ ହେମନ୍ତ ଗୁପ୍ତାଙ୍କ ସୂଚନା ଅନୁସାରେ, ଦିଲ୍ଲୀରେ ଦିନକୁ ଦିନ ବଢୁଥିବା ପ୍ରଦୂଷଣ ଓ ଟ୍ରାଫିକ ଜାମର ସମସ୍ୟାକୁ କମ କରିବା ଏହାର ଲକ୍ଷ୍ୟ । ଲୋକଙ୍କୁ ମେଟ୍ରୋ ଷ୍ଟେସନରୁ ଘର ଓ ଅଫିସରୁ ମେଟ୍ରୋ ଷ୍ଟେସନ ଯିବା ବେଳେ ଏହି ବାଇକର ଉପଯୋଗ କରିପାରିବେ । ତେବେ ବର୍ତ୍ତମାନ ସୁଦ୍ଧା 250ଟି ଇଲେକ୍ଟ୍ରି ବାଇକ ଉପଲବ୍ଧ ଥିବାବେଳେ ଚଳିତବର୍ଷ ଶେଷ ସୁଦ୍ଧା 5 ହଜାର ବାଇକ ଓ 2020 ଡିସେମ୍ବର ସୁଦ୍ଧା 25 ହଜାର ବାଇକ ଉପଲବ୍ଧ କରାଇବାକୁ ଯୋଜନା କରାଯାଇଛି।
ଭିଡିଓ ସୌଜନ୍ୟ: ଇଟିଭି ଭାରତ ବ୍ୟୁରୋ କିପରି କରିବେ ବ୍ୟବହାର ଏହି ବାଇକ
ରାଇଡ ପାଇଁ ପ୍ରଥମେ ଗୁଗୁଲ ପ୍ଲେ ଷ୍ଟୋରକୁ ଯାଇ ୟ୍ୟୁଲୁ ଆପକୁ ଡାଉନଲୋଡ କରିବାକୁ ପଡିବ । ଏଥିପାଇଁ 250 ଟଙ୍କା ସିକ୍ୟୁରିଟି ଡିପୋଜିଟ କରିବାକୁ ହେବ । ଯାହା କୌଣସି ବି ସମୟରେ ଫେରସ୍ତ ନେଇପାରିବେ। ପଞ୍ଜୀକରଣ କରିବା ପରେ ଓ୍ବାଲେଟରେ ଟଙ୍କା ରଖିବାକୁ ପଡିବ । ବାଇକର ତାଲା ଖୋଲିବା ପାଇଁ 10 ଟଙ୍କା ଦେବାକୁ ପଡିବ । ଏହାପରେ ପ୍ରତ୍ୟେକ 10 ମିନିଟ ପାଇଁ 10 ଟଙ୍କା ଦେବାକୁ ହେବ । ଏହିଭଳି ଭାବେ ଯଦି 10 ମିନିଟ ଯାତ୍ରା ପାଇଁ 20 ଟଙ୍କା ଓ 20 ମିନିଟ ଯାତ୍ରା ପାଇଁ 30 ଟଙ୍କା ଦେବାକୁ ପଡିବ।
ପ୍ରଦୂଷଣ କମିବା ସହ ଭିଡରୁ ମିଳିବ ମୁକ୍ତି
ଏହା ବ୍ୟାଟେରୀ ଚାଳିତ ବାଇକ ହୋଇଥିବାବେଳେ ଏହାଦ୍ବାରା କୌଣସି ପ୍ରକାର ପ୍ରଦୂଷଣ ହେବନାହିଁ । ଏହାକୁ ଚଲାଇବା ବହୁତ ସହଜ । ଅନ୍ୟ ବାଇକ ପରି ଏହା ଟ୍ରାଫିକ ଜାମରେ ଫସିରହିବ ନାହିଁ । ଅତି ସହଜରେ ଭିଡ ମଧ୍ୟରେ ବାହାରି ଯାଇପାରିବ । ଗୋଟିଏ ଥର ଏହାକୁ ପୁରା ଚାର୍ଜ କରିଦେଲେ ଏହା 60 କିମି ପର୍ଯ୍ୟନ୍ତ ଯାତ୍ରା କରିହେବ। ଧିରେଧିରେ ଏହାକୁ ଲୋକଙ୍କ ଘର ଓ ଅଫିସ ପାଖରେ ପହଞ୍ଚାଇବାର ଯୋଜନା ରହିଛି।
