ନୂଆଦିଲ୍ଲୀ: ପାକିସ୍ତାନର କାର୍ଯ୍ୟକଳାପକୁ ନେଇ ସତର୍କତା ଜାରିକରିଛି ପ୍ରତିରକ୍ଷା ମନ୍ତ୍ରଣାଳୟ । ପପୁଲାର ରିଆଲିଟି ଶୋ 'କୌନ ବନେଗା କରୋଡ ପତି' (କେବିସି) ମାଧ୍ୟମରେ ପାକିସ୍ତାନ ଭାରତୀୟଙ୍କୁ ଫସାଇବାକୁ ଉଦ୍ୟମ କରୁଥିବା ନେଇ ସୂଚନା ଜାରି କରିଛି ।
ସୋନି ଟିଭିରେ ପ୍ରସାରିତ ଅମିତାଭ ବଚ୍ଚନଙ୍କ ଏହି ଶୋ ମାଧ୍ୟମରେ ଭାରତୀୟଙ୍କୁ ଠକିବାର ନୂଆ ଚାଲ ଆପଣାଇଛି ପାକ୍ । କେବିସି ନାଁରେ ନକଲି ନମ୍ବର ଜାରି କରି ଫେକ ହ୍ବାଟ୍ସ ଆପ ଗ୍ରୁପରେ ସାମିଲ ହେବାକୁ କୁହାଯାଉଛି । ଏହା ପରେ ଏଥିରେ ମିଶିଥିବା ବ୍ୟକ୍ତିଙ୍କୁ ଜାଲରେ ଫସାଯାଉଛି । ଲୋକେ ଏହା ଠାରୁ ଦୂରେଇ ରହିବ ପାଇଁ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ଜଣାଇ ଦିଆଯାଇଛି ।