ରାଉରକେଲା: ସୁନ୍ଦରଗଡ଼ ଜିଲ୍ଲାରେ ଅଗ୍ନିଶମ କର୍ମଚାରୀଙ୍କ ପ୍ରତିବାଦ । ଦୁଇ ଦାଫା ଦାବି ନେଇ ଆନ୍ଦୋଳନକୁ ଓହ୍ଲାଇଛନ୍ତି ଅଗ୍ନିଶମ କର୍ମଚାରୀ । ଗତକାଲି ଠାରୁ କଳାବ୍ୟାଜ ପିନ୍ଧି ଜିଲ୍ଲାର ସମସ୍ତ ଅଗ୍ନିଶମ କାର୍ଯ୍ୟାଳୟ ସମ୍ମୁଖରେ ଅନିର୍ଦ୍ଧିଷ୍ଟ କାଳ ପାଇଁ ଧାରଣରେ ବସିଛନ୍ତି କର୍ମଚାରୀ । ପୋଲିସ ସହ ସମାନତା ପାଇଁ ଅଗ୍ନିଶମ କର୍ମଚାରୀଙ୍କ ଏହି ଆନ୍ଦୋଳନ ।
ରାଉରକେଲା ସର୍କଲ ପାନପୋଷ ଦମକଳ କେନ୍ଦ୍ରର ଅଗ୍ନିଶମ କର୍ମଚାରୀଙ୍କ ସହ କୁଆରମୁଣ୍ଡା, ବିଶ୍ରା, ନୂଆଗାଁ, ଗୁରୁଣ୍ଡିଆ, ଲହୁଣୀପଡା, ବଣାଇ ଏବଂ କୋଇଡା ଅଞ୍ଚଳରେ ଦମକଳ ବାହିନୀ ଶାନ୍ତିପୂର୍ଣ୍ଣ ଭାବରେ କାର୍ଯ୍ୟବନ୍ଦ ଆନ୍ଦୋଳନକୁ ଓହ୍ଲାଇଛନ୍ତି । ଓଡ଼ିଶା ପୋଲିସ ବାହିନୀ ଏବଂ ଅଗ୍ନିଶମ କର୍ମଚାରୀଙ୍କ ମଧ୍ୟରେ ଦରମା ଓ ଭତ୍ତାର ଚାଲିଥିବା ପାର୍ଥକ୍ୟକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ।
ଅଗ୍ନିଶମ ବିଭାଗର ଅଗ୍ନିଶମ କର୍ମଚାରୀ, ଡ୍ରାଇଭର ଏବଂ ମୁଖ୍ୟ ହାବିଲଦାରଙ୍କ ଦ୍ୱାରା ଏହି କାର୍ଯ୍ୟବନ୍ଦ ଆନ୍ଦୋଳନ କରାଯାଇଛି । ଆନ୍ଦୋଲନକାରୀ ମାନେ ଦାବି କରିଛନ୍ତି ପୋଲିସ ସହ ସମାନ ଦରମା ଏବଂ ଭତ୍ତା ପ୍ରଦାନ କରିବା । ଓଡ଼ିଶା ପୋଲିସରେ କନଷ୍ଟେବଳ ଓ ହାବିଲଦାରମାନେ ପାଉଥିବା ପ୍ରାପ୍ୟକୁ ସମାନ ଭାବରେ ଅଗ୍ନିଶମ ବିଭାଗରେ ମଧ୍ୟ ଲାଗୁ କରିବାକୁ ଦାବି କରିଛନ୍ତି ।ଏଥିସହ ଫାୟାର ସର୍ଭିସ ୟୁନିୟନ ଗଠନ ସହ ସଂଘକୁ ସମ୍ପୂର୍ଣ୍ଣ ସରକାରୀ ମାନ୍ୟତା ପାଇଁ ଦାବି କରିଛନ୍ତି ।
ଏହା ମଧ୍ୟ ପଢନ୍ତୁ ......୨ ଦଫା ଦାବିରେ କାର୍ଯ୍ୟବନ୍ଦ ଆନ୍ଦୋଳନରେ ଅଗ୍ନିଶମ ବିଭାଗ କର୍ମଚାରୀ