ନୂଆପଡା: ମୁଖ୍ୟମନ୍ତ୍ରୀଙ୍କ ନୂଆପଡା ଗସ୍ତ । ଖଡ଼ିଆଳରେ ନିର୍ବାଚନ ପ୍ରଚାର କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଭି.କେ ପାଣ୍ଡିଆନ । ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗିବା ସହ ବିରୋଧୀଙ୍କୁ କଲେ ଟାର୍ଗେଟ । ଆଜି (ସୋମବାର) ଦିନ ସ୍ୱତନ୍ତ୍ର ହେଲିକପ୍ଟର ଯୋଗେ ମୁଖ୍ୟମନ୍ତ୍ରୀ ଖଡ଼ିଆଳ ଠାରେ ପହଞ୍ଚି ଏକ ନିର୍ବାଚନୀ ସଭାରେ ଯୋଗ ଦେଇଥିଲେ । କଳାହାଣ୍ଡି ଲୋକସଭା ପ୍ରାର୍ଥୀ ଲମ୍ବୋଦର ନିଆଲ ଏବଂ ଖଡ଼ିଆଳ ବିଧାନସଭା ପ୍ରାର୍ଥୀ ଅଧିରାଜ ମୋହନ ପାଣିଗ୍ରାହୀଙ୍କୁ ଶଙ୍ଖ ଚିହ୍ନରେ ବିଫୁଳ ସଂଖ୍ୟାରେ ଭୋଟ ଦେଇ ଜୟଯୁକ୍ତ କରିବା ପାଇଁ ଅପିଲ୍ କରିଥିଲେ ନବୀନ ।
ନବୀନ ସରକାର ଓଡିଶାବାସୀଙ୍କ ସେବା କରିବା ପାଇଁ ସଂକଳ୍ପବଦ୍ଧ । ଓଡ଼ିଶାର ବିକାଶ ଧାରାରେ ମିଶନ ଶକ୍ତି ମାଆ ମାନେ ସ୍ୱାବଲମ୍ବୀ ହୋଇ ନୂଆ ପରିଚୟ ସୃଷ୍ଟି କରିଛନ୍ତି । ଛାତ୍ରଛାତ୍ରୀ ମାନେ ଆମ ଓଡ଼ିଶା ନବୀନ ଓଡିଶା କାର୍ଯ୍ୟକ୍ରମରେ ଅଂଶଗ୍ରହ କରି ନିଜ ପ୍ରତିଭାକୁ ଲୋକ ଲୋଚନକୁ ଆଣି ପାରିଛନ୍ତି । କଳା, ସାହିତ୍ୟ ଓ ସଂସ୍କୃତି ଦିଗରେ ଓଡ଼ିଶାର ପ୍ରଗତି ହୋଇପାରିଛି । ଓଡ଼ିଶାର ପ୍ରତ୍ୟେକ ନାଗରିକଙ୍କ ପାଇଁ ବିଜୁ ସ୍ବାସ୍ଥ୍ୟ କାର୍ଡ଼ ସୁଫଳ ପ୍ରଦାନ କରିପାରିଛି । ୫ଟି ଅଧିନସ୍ଥ ପ୍ରତ୍ୟେକ ବିଦ୍ୟାଳୟ କଲେଜ ରୂପାନ୍ତରିତ ହୋଇପାରିଛି, କୃଷକଙ୍କ ପାଇଁ କାଳିଆ ଯୋଜନା ସଫଳ ହୋଇପାରିଛି । ଓଡିଶା ବାସୀଙ୍କ ହିତ ସାଧନ ପାଇଁ ସରକାର ସଂକଳ୍ପବଦ୍ଧ । ସେଇଥି ପାଇଁ ଆପଣମାନେ ଗୋଟିଏ ଶଙ୍ଖ ବିଧାୟକ ପାଇଁ ଏବଂ ଆଉ ଗୋଟିଏ ଶଙ୍ଖ ସାଂସଦ ପାଇଁ ଏଭଳି ଯୋଡ଼ି ଶଙ୍ଖରେ ଭୋଟ ଦେବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜନସାଧାରଣଙ୍କୁ ଆହ୍ବାନ କରିଛନ୍ତି ।
ସେପଟେ ବରୋଧୀ ବିଜେପିକୁ ଭି.କେ ପାଣ୍ଡିଆନ କଟାକ୍ଷ କରିଛନ୍ତି । ସେ କହିଛନ୍ତି," ବିଜେପି କେବଳ କଥା କହେ କାମ କରିପାରେନାହିଁ । ଆମ ପ୍ରିୟ ମୁଖ୍ୟମନ୍ତ୍ରୀ କଥା କମ୍ କହନ୍ତି କାମ ବେଶୀ କରନ୍ତି । ସେହିଭଳି ବିରୋଧୀ ବିଜେପି ପାଖରେ ମୁଖ୍ୟମନ୍ତ୍ରୀ ପଦବୀରେ ଆସନ୍ନ ହେବା ପାଇଁ ତାଙ୍କ ପାଖରେ ସେହିଭଳି ନେତା ନାହାନ୍ତି । ଜଗନ୍ନାଥ ଧାମର ରୂପାନ୍ତରିତ ହୋଇଛି, ସମ୍ବଲପୁର ମା' ସମଲେଶ୍ବରୀ ମନ୍ଦିରର ରୂପାନ୍ତରିତ ହୋଇଛି । ସେହିଭଳି ଓଡ଼ିଶାର କଳା,ସାହିତ୍ୟ, ମନ୍ଦିର, ମମଜିତ ଏବଂ ଚର୍ଚ୍ଚ, ଧର୍ମ ପୀଠର ଉନ୍ନତି ହୋଇଛି । ଲକ୍ଷ୍ମୀ ବସ ଯୋଜନା ଚାଲିଛି, କାଳିଆ ଯୋଜନା ଚାଲିଛି, ଆଗକୁ ଆହୁରି ଭଲ ଭଲ ଯୋଜନା ଓଡ଼ିଶାରେ କାର୍ଯ୍ୟକାରୀ ହେବ ।ଏହିସବୁ ଯୋଜନାକୁ ବିରୋଧୀ ବିଜେପି ବନ୍ଦ କରିବାକୁ ଚାହୁଁଛି ।"